عزيزي الزائر ..
شكراً لزيارتك منتدى مصياف للجميع ، لنعمل سويةً للارتقاء به دائماً نحو الأفضل .
لاعطاء صورة مشرقة لمدينتنا مصياف و ذلك بانضمامك لأسرة المنتدى ..
كذلك هناك الكثير من الأقسام و المزايا و الخدمات تظهر حصرياً للأعضاء المسجلين ..
أهلاً و سهلاً بك في موقع و منتدى مصياف للجميع ..

    باسم ورباب

    شاطر
    avatar
    maher1979
    عضــــــو مميز
    عضــــــو مميز

    عدد الرسائل : 605
    مكان الإقامة : Saudi Arabia - Riyadh
    Personalized field :
    التقييم : 16
    نقاط : 993
    تاريخ التسجيل : 13/02/2010

    باسم ورباب

    مُساهمة من طرف maher1979 في 16/12/2010, 4:57 pm


    وأنا قاعد بخلوة مع نفسي .... تذكرت هدول الأبطال اللي كانوا قدوتنا بالابتدائي (يوم كنا نضل لبعد الدوام كل اثنين مشان حصة الطلائع )... أيام ما كنا شايفين شي من الدنيا غير القناتين الأولى والتانية ( لما كانو يطالعو برنامج انكليزي محادثة باسم وولتر وكوني من أيام الاتحاد السوفيتي ) وكتب المدرسة وأيام ماكان الموز يجي تهريب من لبنان .... وأيام ما كانت كل العالم تلبس نفس اللبس والفولار والجوزة والطاقية والشعار .... وكانت كل الناس بتشبه بعضها ... وأيام ماكان في جيل للشعر... كل العالم نفس التسريحة تمشط شعرها على جنب ... والبنات كلهن شعرهن منفوش ... وإذا وحدة كتير عالموضة وسبور ... بتكون عاملة غرة من قدام ....... وأيام ما كانت الحلوة تبين أنها حلوة ... واللي مانها حلوة تكون رايحة عليها لأنو ماكنت الإل بي سي وقتها ... وماكانوا يعرفوا يزبطوا حالهم باللبس أو بالمكياج أو بتسريحات الشعر ... عكس هلأ تماما" .... سبقنا الإم تي في والإل بي سي ... وأيام وأيام ..... أيام ماكان حدى شايف شي ...............



    أول شي هاي العيلة المثالية النموذجية....الأب الحنون..الأم الحبابة العطوفة والمبتسمة..الأولاد المهذبين الحبابين واللي بيرجعوا بيدرسوا فورا بعد المدرسة....كلو مثالي بمثالي
    ...





    باسم ورباب...أشهر من نار على علم...

    مازن وميسون...أبطال ثانويين بيجو بعد باسم ورباب بالأهمية...



    عند زيارة آنستهم المريضة وشوفو حتى رسوم الوجوه جاية من المانيا الشرقية



    صباح الخير يا أمي شو فو كيف البابا حاضن الماما من خير خجل لانو ما كان في مقاطع وموبايل ودش



    يمكن كان هادا الغلاف تبع الكتاب اذا ما خاب ظني... الله ياما كان يتقطع ونجلدو ونكتب فيه مذكرات للسنة الجاية




    حفلة المدرسة.. تتخله اهازيج شعبية ليتحو الى عرس شعبي



    وأكيد الكل بيتذكر قصة حجا وقت نسي يعد الحمار اللي راكب عليه....هادا لانو ما كان فيه خبث متل هلا



    وحاليا في عدة قصص وروايات حول مصير باسم ورباب....عالم بتقول أنو باسم وصل للسادس ونزل عالصناعة اشتغل مع أبوه.. ابو عصام ..وعالم بتقول أنو لأ...هوي وصل للتاسع بس ما قدمها ....ونزل اشتغل بالسوق عند خاله.. ابو شهاب بباب الحارة...أما رباب فكانت أشطر من أخوها....وأخدت التاسع. وما جابت ثانوية عامة...بس اجى نصيبها وهيي صف حادي عشر....واتجوزت عالغربة يا خطيتها.....وهلأ صار عندها تلات ولاد...صبيين وبنت......

    ميسون ومازن ماحدا بيعرف عنهم شي....لأنو ماكانوا كتير يطلعوا ويفوتوا مع باسم ورباب بعد صف الخامس....لأنو فصلوا الشعب عن بعضها بسبب أنو طلعت لغتهم فرنسي نتيجة القرعة اللي كانت تصير بصف الخامس...أما باسم ورباب وقتها فورا فاتوا بشعبة الانكليزي....لأنو كان أبوهم مدري أمهم آنسة....وهدول كانوا فورا يدخلوا بشعبة الانحليزي بدون سحبة أو قرعة....
    avatar
    DODO
    مساعد مدير المنتدى
    مساعد مدير المنتدى

    عدد الرسائل : 2546
    مكان الإقامة : PARIS
    Personalized field :
    التقييم : 20
    نقاط : 1954
    تاريخ التسجيل : 05/10/2008

    رد: باسم ورباب

    مُساهمة من طرف DODO في 16/12/2010, 9:15 pm


    شو هالمقدمه المؤثره يا ماهر والله العظيم كل كلمه فيها صح 100%
    الله يرحم هديك الإيام إيــــــــــــــه ع إيام باسم ورباب
    طلعت لغتهم فرنسي نتيجة القرعة اللي كانت تصير بصف الخامس...أما باسم ورباب وقتها فورا فاتوا بشعبة الانكليزي....لأنو كان أبوهم مدري أمهم آنسة....وهدول كانوا فورا يدخلوا بشعبة الانحليزي بدون سحبة أو قرعة....


    يا ريت ما كانت إمي آنسه ودخلت شعبة الفرنسي مع الكسلانين واللي ما عندن واسطه ....
    كان هلق مرتاح بالي وعم درغل يهالفرنسي درغله


    يسلمو دياتك يا ماهر


    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ









      الوقت/التاريخ الآن هو 26/4/2017, 9:34 pm