عزيزي الزائر ..
شكراً لزيارتك منتدى مصياف للجميع ، لنعمل سويةً للارتقاء به دائماً نحو الأفضل .
لاعطاء صورة مشرقة لمدينتنا مصياف و ذلك بانضمامك لأسرة المنتدى ..
كذلك هناك الكثير من الأقسام و المزايا و الخدمات تظهر حصرياً للأعضاء المسجلين ..
أهلاً و سهلاً بك في موقع و منتدى مصياف للجميع ..

    شو رأيك .. هل تؤيد عمليات التجميل؟

    شاطر
    avatar
    Ramis
    مصيافي دهبي
    مصيافي دهبي

    عدد الرسائل : 762
    مكان الإقامة : Palma de Mallorca
    Personalized field :
    التقييم : 3
    نقاط : 818
    تاريخ التسجيل : 05/10/2008

    شو رأيك .. هل تؤيد عمليات التجميل؟

    مُساهمة من طرف Ramis في 15/6/2010, 10:57 pm

    بين مؤيد ومعارض لعمليات التجميل، يبقى هنالك موضوع القناعة الشخصية والرغبة في تحسين الشكل، سواء تحديا للشيخوخة وطردها عن ملامح الوجه، أو لخلل أو عاهة خلقية كطول الأنف أو صغر حجم الصدر أو ذبول العينين وترهل الجفون وغيرها من الأسباب.

    لكن المفهوم العام لعمليات التجميل أصبح يحمل صبغة سلبية لأن أكثر من يقدم على هذه العمليات هن الفنانات والمشاهير والأثرياء، ويكون السبب هو تجميل المظهر، لذلك نجد انتقادات كثيرة لهذه العمليات ومن يجرونها.

    هل تؤيد عمليات التجميل بشكل عام؟ هل تؤيد عمليات التجميل في حالات معينة ؟
    هل تعتبر أن عمليات التجميل فيها خروج عن الدين وتمرد على الصورة التي منحها الخالق للخلق ؟
    هل تتخذ موقفا ممن أجرى أو أجرت عملية تجميل؟ شو رأيك ؟


    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ








    avatar
    Lily Rose
    مصيافي نحاسي
    مصيافي نحاسي

    عدد الرسائل : 264
    مكان الإقامة : Massyaf
    Personalized field :
    التقييم : 5
    نقاط : 360
    تاريخ التسجيل : 02/02/2009

    رد: شو رأيك .. هل تؤيد عمليات التجميل؟

    مُساهمة من طرف Lily Rose في 16/6/2010, 1:44 am

    على فكرة أنا كنت ناوية افتح هالموضوع بس انت سبقتني
    بالنسبة لعمليات التجميل كتير عم ينحكى بهالفترة عنها وما لها وما عليها
    خصوصاً انو صارت رائجة بسوريا بشكل كتير كبير
    طبعاً اذا بدنا نحكي من وجهة نظر دينية أكيد هيي مرفوضة بالدين
    بس اذا بدنا نحكي بشكل موضوعي بدنا نناقشها من ناحيتين
    الأولى هيي الناحية الطبية اللي بيكون الهدف منها متل ما ذكرت معالجة عاهة أو تشوه
    والأمور اللي ذكرتها متل طول الأنف أنا ما بعتبرها تشوهات
    لأن التشوهات تشمل ما ينجم عن الحروق والجروح أو العاهات الخلقية متل شفة الأرنب مثلاً
    بهالحالة أنا مع العملية مية بالمية لأنها تصنف كعلاج للحالة الجسدية والنفسية اللي ممكن يعاني منها الشخص
    أما الناحية الجمالية اللي بتهدف لتحسين المظهر ماني لا معها ولا ضدها
    برأيي هي بترجع لكل واحد منا حسب طبيعتو واهتماماتو وأحياناً ثقتو بنفسو يعني باختصار نسبية
    وبالنسبة إلي ما عندي استعداد فكر فيها عالأقل بالوقت الحاضر لأنو بيضل اسمها عملية وفيها نسبة خطورة
    بس اللي عندو الجرأة والقدرة المادية ليعملها ليش لأ مو غلط سواء من البنات أو الشباب
    وما باخد أي موقف من هيك شخص إذا كان الدافع نابع من ذاتو
    أما إذا كان لإرضاء الناس أو لشخص معين أو تقليد لشي حدا معناها في مشكلة بشخصيتو
    علماً اني ماني ضد التغيير بالشكل بناء على رأي شخص بيهمني بس مو لدرجة إجراء عملية
    وبطلب من الأعضاء إذا حدا منكن خضع لجراحة من هالنوع يا ريت يحكيلنا عن تجربتو
    شكراً لطرح الموضوع...
    avatar
    ADMIN
    مدير المنتدى
    مدير المنتدى

    عدد الرسائل : 2463
    مكان الإقامة : في هذا العالم ..
    Personalized field :
    التقييم : 24
    نقاط : 3626
    تاريخ التسجيل : 05/10/2008

    رد: شو رأيك .. هل تؤيد عمليات التجميل؟

    مُساهمة من طرف ADMIN في 16/6/2010, 9:05 am

    انا كمان رأي انو اذا العملية التجميلية كان هدفها علاجي فهاد شي عادي
    و منطقي .. و خصوصا انو في حالات تكون اجراء مثل هكذا عمليات ضروريا

    اما فيما عدا ذلك .. فبرأي تدخل في اطار ( الفزلكة ) ...

    شكرا ليلي روز على تجاوبك مع الموضوع .. بانتظار المزيد من الآراء من باقي الاعضاء ..



    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ








    مصياف للجميع ............. نريد أن تكون صفحتكم المفضلة على الشبكة الدوليه
    www.masyaf4all.com - www.masyaf4all.info

    avatar
    DODO
    مساعد مدير المنتدى
    مساعد مدير المنتدى

    عدد الرسائل : 2546
    مكان الإقامة : PARIS
    Personalized field :
    التقييم : 20
    نقاط : 1954
    تاريخ التسجيل : 05/10/2008

    رد: شو رأيك .. هل تؤيد عمليات التجميل؟

    مُساهمة من طرف DODO في 16/6/2010, 8:45 pm


    أنا مع عمليات التجميل
    خصوصاً إذا بتريح االشخص نفسياً
    بس طبعاً مو لدرجة يغير الواحد شكلو وخلقتو ومايعود معروف وكأنه شخص جديد

    أنا عملت إنفي وكنت مستعده أعمل هالعمليه رغم كل المخاطر
    كونو عندي مرض السكري الدكاتره حزروني وقالو إنها عمليه كماليه مابيصير عرِّض نفسي للخطر والبنج الكامل
    رحت عملتها بنج موضعي ومع إني حسيت ببعض الأوجاع أثناء العمليه وكنت نوعاً ما حاسه بكل دقة مطرقه وكل قطبه
    بس كانت غامرتني سعاده لاتوصف لأن إنفي كان عاملي أزمه نفسيه كبيره خصوصاً إنو كان مكسور وركبان غلط
    وكان بعض المريضين نفسياً يقلولي شو هالمنقار
    والحمد لله مشي الحال
    أهم شي إن الواحد يعمل اللي بيريحه
    وأنا بشوف إنو أحياناًهي العمليه بتكون ضروره مو فزلكه


    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ








    avatar
    mermaid
    مصيافي نحاسي
    مصيافي نحاسي

    عدد الرسائل : 182
    مكان الإقامة : everywhere
    Personalized field :
    التقييم : 12
    نقاط : 216
    تاريخ التسجيل : 03/03/2010

    رد: شو رأيك .. هل تؤيد عمليات التجميل؟

    مُساهمة من طرف mermaid في 1/8/2010, 9:00 pm

    انا بشكل عام ما بقدر احكم لاني بشعر انو الحكم بدو يكون حسب الموقف.....بس انا مع عملية التجميل في حال كانت رح تخلي صاحبها يشعر براحة نفسية.... أحيانا الإنسان بيكون راضي بحالو كيف ما كان بس متل ما سبق وذكرت DoDo يلي حواليك ما بيخلوك ترتاح من تعليقات بلى طعمة ومسخرة بدون حتى ما يشوفو حالهن قبل ما يعلقو ع الناس ...وكتر التعليق بيكون بهالحالة دافع لعملية التجميل...عموما انا ماني ضد أي شخص بيفكر بهيك خطوة بس بدها حذر شديد وتأنّي....وبالنسبة الي انا فكرت بهيك شي بس المشكلة إني جبانة وبخاف لذلك شلتها من راسي......

    اوركيد
    مصيافي فريش
    مصيافي فريش

    عدد الرسائل : 42
    مكان الإقامة : مصياف
    Personalized field :
    التقييم : 3
    نقاط : 57
    تاريخ التسجيل : 16/06/2010

    رد: شو رأيك .. هل تؤيد عمليات التجميل؟

    مُساهمة من طرف اوركيد في 1/8/2010, 10:36 pm

    يلي ما يطول العنب حامضاعنه يقول

    أي جديد يدخل مجتمعنا الشرقي يلاقي رفضاً جماعياً في البداية , ثم رويداً رويداً يلقى تأييداً ,الرفض الذي يأتي في البداية له عدة أسباب منها عدم القدرة المادية و منها أنها مخالفة للتقاليد و الأعراف أو مخالفة للدين , و ينعيها البعض بأنها فزلكة أو تأنيت أو علاك أو .......

    مثل دخول الغسالة الأوتوماتيكية أو الجلاية الآلية أو تركيب صحن فضائي أو شراء سيارة أو شراء كمبيوتر أو موبايل أو وضع جهاز لتقويم الأسنان أو زرع الأسنان أو طفل الأنابيب .. كلها اليوم أصبحت عادية لكنها احتاجت لبعض الوقت , كذلك عمليات التجميل ستصبح يوماً ما أمراً عادياً لكنها تحتاج لوقت أطول مما احتاجته الأمثلة الآنفة الذكر .

      الوقت/التاريخ الآن هو 24/11/2017, 7:32 am