عزيزي الزائر ..
شكراً لزيارتك منتدى مصياف للجميع ، لنعمل سويةً للارتقاء به دائماً نحو الأفضل .
لاعطاء صورة مشرقة لمدينتنا مصياف و ذلك بانضمامك لأسرة المنتدى ..
كذلك هناك الكثير من الأقسام و المزايا و الخدمات تظهر حصرياً للأعضاء المسجلين ..
أهلاً و سهلاً بك في موقع و منتدى مصياف للجميع ..

    المساكنة

    شاطر
    avatar
    sara
    مصيافي 100%
    مصيافي 100%

    عدد الرسائل : 1295
    مكان الإقامة : بلاد الله الواسعة
    Personalized field :
    التقييم : 15
    نقاط : 1067
    تاريخ التسجيل : 24/11/2008

    المساكنة

    مُساهمة من طرف sara في 9/11/2009, 12:23 am

    المساكنة ظاهرة يرفضها المجتمع السوري ولكنها باتت موجودة





    بقيت المساكنة إلى اليوم ظاهرة غير مألوفة وغير معلن عنها لدى الكثير ممن يقومون بها، وتعرف المساكنة بأنها عقد شفهي بين ذكر وأنثى عازبين يلتزمان فيه بالعيش المشترك في بيت واحد من دون عقد زواج.

    ومن الطبيعي ان يرفض المجتمع السوري فكرة المساكنة لأنه من المجتمعات المحافظة ويعتبر هذه الظاهرة غريبة عن عاداته وتقاليده، ولكن هل يعني ان هذه الظاهرة غير موجودة في سورية؟



    المساكنة ليست سرية بالكامل



    الوقائع التي لمسناها تقول بان الحالة موجودة ومنتشرة بين بعض الشباب، ولكن لا يوجد تحديد دقيق لنسبتها، ولكنه من خلال انجاز هذا التحقيق لم يكن صعبا علينا التعرف على العديد من الحالات التي تقع تحت هذا العنوان.

    ترى ريم 23 التي تسكن مع صديقها فادي منذ أكثر من 8 أشهر أن "ليس بالضرورة أن تكون المساكنة سرية بشكل كامل، فكل أصدقائي يعلمون أنني أسكن مع صديقي والسرية فقط من جانب الأهل، لأن عاداتنا وتقاليدنا لا تسمح لنا بذلك".

    وتابعت "المساكنة مفيدة في كثير من الأمور، وخاصة من ناحية التعرف على الشريك المراد الارتباط به عن قرب، ما يؤدي إلى اتخاذ قرار الارتباط بعد دراسة جميع الأمور"، موضحة أنها "تزوجت صديقها بالمساكنة بعد حوالي 8 أشهر".

    وعن سبب رفض المجتمع لهذه الظاهر ترى ريم إن "كل شيء يروج في منطقتنا الشرقية نعزيه للغرب، وهذا كلام غير منطقي وناتج عن تقوقع الشرقيين على أنفسهم وكرههم غير المبرر للغرب، المساكنة موجودة من قبل الإسلام ولم تأت من الغرب".

    وتقول :فقدت عذريتي ولست نادمة



    وحسب تجربة هيا البالغة من العمر 23 عاما قالت إنها "جربت المساكنة وفقدت عذريتها وليست نادمة", مضيفة أنها "انفصلت عن شريكها بالمساكنة لأسباب منطقية وفي حال قررت الارتباط مرة أخرى لن تفكر بعملية إعادة عذرية وستصارح الطرف الآخر بهذا الموضوع".

    وبينت هيا أن "أفكارها خارجة عن العادات والتقاليد لكنها خارجيا تحاول أن تتماشى معها لكي ترضي المجتمع ولو كانت في مجتمع لا يستنكر هذا الشيء لأعلنته", مشيرة إلى أنها "انفصلت عن شريكها لأنه مطلق ولديه ابنه صغير بحاجة إلى أن يكون بجانبه وليس لأن التجربة فشلت لأن العلاقة قد تعود لمجراها".

    أما بالنسبة لفكرة الإنجاب, قالت هيا "لم أخف من فكرة الإنجاب لأننا اتبعنا كل وسائل الوقاية".

    لا علاقة للمساكنة بالحب أو الجنس



    ومن جهته تحدث عمار 25 عاماً عن تجربته في المساكنة، وقال "اسكن مع صديقتي (الدنماركية) منذ 3 سنوات ولا تربطنا علاقة حب أو أية علاقة جنسية، ولا ينظر إلينا أحد على أننا مذنبين أو أننا نقوم بفعل خاطئ، ولعل ذلك متعلق بمكان سكننا المتحرر نسبياً".

    وأكمل "المساكنة لا تعني بالضرورة القيام بعلاقة جنسية مع الطرف الآخر، فأحياناً تكون هناك صداقات حقيقية ليس لها صلة بالجنس، فيتعامل الطرفين على أنهم شركاء في السكن وكأنهم من الجنس نفسه".

    ورأى عمار أن المساكنة "ليست تقليداً للغرب، لأننا نعرف المساكنة منذ زمن طويل على هيئة الزواج العرفي الذي يصب في نفس المنحى على ما أعتقد".




    مساكنه في فترات من اليوم فقط...

    أما تعريف المساكنة من وجهة نظر ولاء 22 عاماً "لا يعني بالضرورة السكن الدائم مع الشريك", مشيرة إلى أنها "تسكن مع صديقها أو (حبيبها) في منزل واحد لكن في فترات معينة من اليوم، لأنهم يعودون كل يوم في المساءً إلى منازلهم".

    وبما يخص العادات والتقاليد التي ترفض هذه الظاهرة، قالت ولاء إن "العادات والتقاليد الشرقية المقيدة والتي مازال مجتمعنا غير قادر على الخروج منها أو مجرد التفكير خارج نطاقها، هي ما أجبرنا على ذلك".
    وأكملت "أنا لم أخالف تعاليم ديني، لأن صديقي أصبح بحكم زوجي حالياً بعد أن كتبنا كتابنا بعد حوالي العام، والفترة الحالية ستكون مجرد اختبار تحمل المسؤولية".



    المساكنة تخلي عن المسؤوليات الأسرية للاكتفاء بالعملية الجنسية

    وحول هذا الموضوع قال رئيس مركز الدراسات الإسلامية محمد حبش لسيريانيوز إن "المساكنة محرمة في الدين وانتهاك لنظام الأسرة وتخلي عن المسؤوليات الأسرية للاكتفاء بالعملية الجنسية", معرفا المساكنة بأنها "إقامة علاقة بين ذكر وأنثى خارج إطار علاقة الزواج".


    وبين حبش أن "حالات المساكنة قليلة في سورية وليست منتشرة وهي غير طبيعية وغريبة في مجتمع محافظ مثل سورية", موضحا أنه "لا يجوز أن ننتظر حتى تصل نسبة المساكنة إلى 5% لكي نعتبرها مشكلة حيث يكفي أن تبلغ 1 بالألف لكي نتنبه لها".

    كما رأى حبش أن "الحل الذي يحد من فكرة المساكنة هو تبسيط إجراءات الزواج وتوعية الناس بحقوقهم", مشيرا إلى أنه "من حق المرأة أن تشترط في عقد الزواج وأن تأخذ شروطها بعين الاعتبار من قبل القانون".



    المساكنة زنى والدين المسيحي لا يقبل بها

    وفي ذات السياق بين الأب الياس زحلاوي أن "المساكنة زنى والدين المسيحي لا يقبل بها", مشيرا إلى أن "المساكنة خارجة عن أي شريعة وأي مذهب لا يقبل بها".

    وأوضح زحلاوي أن "بعض الشباب لم يصل إلى حد المساكنة لكنهم يقومون بعلاقات سرية لا يرضى عنها القانون" مشيرا إلى أنه "على كل مؤمن أن يتبنى الأخلاق والدين وفي حالة المساكنة يكون الفرد قد رفضها".

    كما وجد أن "الضائقة الاقتصادية وتأخر الشاب والفتاة في مرحلة الدراسة يفرض نوعا من الصيام لايستطيعون تحمله فيلجؤون إلى ما يشبع هذه النزعة ويؤولونه بمبررات الحب".



    محامية: يوجد عقود زواج برانية تعتبر نوع من أنواع المساكنة والعرف يقرها

    اما كيف ينظر القانون لهذه الظاهرة فقد أوضحت المحامية ديمة اسماعيل أنه "لا يوجد في القانون ما يسمى مساكنة لكن يوجد عقود زواج برانية تعتبر نوع من أنواع المساكنة والعرف يقرها", مضيفة أنه "في حال التبليغ على الشاب والفتاة من قبل الجيران وقبض عليهما وهما يمارسان الجنس يعاقبان من قبل القانون بالحبس إذا لم توجد ورقة زواج براني".

    وبينت أنه "في حال وجود هذه الورقة يثبت القاضي زواجهما آخذا بعين الاعتبار أنها ستصبح زوجته", منوهة إلى أنه "في حالة القبض عليهما بسبب وجودهما بنفس المنزل دون ممارسة الجنس لا يحق للقاضي محاسبتهما لأنه من الممكن أن تربطهما علاقة عمل أو أي علاقة أخرى غير الجنس والحب".


    وذكرت اسماعيل أنه "إذا قبض على شاب مع فتاة قاصر أي دون السن القانوني يغرم ويحبس لمدة سنتين".


    لبنى عيسى، حازم عوض- سيريانيوز شباب


    والسؤال؟؟

    1-هل أنت مع أو ضد المساكنة؟ولماذا؟

    2-هل تعرف أشخاصا غير متزوجين و يعيشون تحت سقف واحد؟

    3-هل المساكنة مناقضة للزواج أم ممهدة له؟

    4-هل المساكنة تقوي العلاقة بين الشريكين ام تساعد على بناء شرخ بينهما وتحطم فكرة العائلة؟

    5-ما هي الاسباب التي تجعل الناس يكونون ضد أو مع الفكرة؟

    6-ما هي نظرتك كرجل لأمرأة تقبل بالمساكنة و هل تفكر حقا بالزواج بها بدون ان تجعله وصمة عار تشتمها بها بعد الزواج ؟
    7-من اين اتت هذه الفكرة عند الشباب و ما اسبابها وهل يمكن ان نضعها تحت بند التقليد الاعمى للغرب؟
    avatar
    ADMIN
    مدير المنتدى
    مدير المنتدى

    عدد الرسائل : 2463
    مكان الإقامة : في هذا العالم ..
    Personalized field :
    التقييم : 24
    نقاط : 3626
    تاريخ التسجيل : 05/10/2008

    رد: المساكنة

    مُساهمة من طرف ADMIN في 9/11/2009, 12:52 am

    للموضوع حلقة سابقة يمكنكم قراءتها من هنــــــــــــــــــــــــا


    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ








    مصياف للجميع ............. نريد أن تكون صفحتكم المفضلة على الشبكة الدوليه
    www.masyaf4all.com - www.masyaf4all.info

    avatar
    sara
    مصيافي 100%
    مصيافي 100%

    عدد الرسائل : 1295
    مكان الإقامة : بلاد الله الواسعة
    Personalized field :
    التقييم : 15
    نقاط : 1067
    تاريخ التسجيل : 24/11/2008

    رد: المساكنة

    مُساهمة من طرف sara في 9/11/2009, 1:24 am

    مظبوط حكيك ادمن بتشكرك بس حبيت انا هون اطرح هالفكرة للنقاش اكتر من العرض مشان نسمع اراء الاعضاء

    يسلمو ادمن
    avatar
    شوماكان
    عضـــو موقوف

    عدد الرسائل : 1644
    مكان الإقامة : مصياف
    Personalized field :
    التقييم : 0
    نقاط : 2338
    تاريخ التسجيل : 01/07/2009

    رد: المساكنة

    مُساهمة من طرف شوماكان في 9/11/2009, 7:18 am

    انا سمعت عن هالعقد التافه


    هلق رح احكي بصراحة


    كل الشباب بدون استثناء من جوا موافقين ع هيك عقد



    لأنو بشيل عنهن مسؤوليات كتير كبيرة


    بس اسمحولي قول رأيي (( وعنجد من جوا ))


    أول شي رح يتخربط النسل


    يعني بكل صراحة برياحة الواحد فيه يتبرا من أبنو أو من بنتو


    تاني شي


    أنا على معرفة بأشخاص من مصياف عاملين هالعقد مع بنات من مصياف أيضا


    وهادا الشي خطير كتير



    هلق فيي حالات انتهت بالزواج وهادا شي منيح


    بس الخوف من الحالات اللي ممكن تفشل وما اكترها


    وهون المصيبة


    يعني بالدرجة الأولى سمعت البنت


    مابعرف


    هادا رايي


    بس موافق
    avatar
    Rammstein
    مصيافي نحاسي
    مصيافي نحاسي

    عدد الرسائل : 211
    مكان الإقامة : مصياف
    Personalized field :
    التقييم : 4
    نقاط : 285
    تاريخ التسجيل : 12/10/2009

    رد: المساكنة

    مُساهمة من طرف Rammstein في 9/11/2009, 11:50 am

    -هل أنت مع أو ضد المساكنة؟ولماذا؟

    انا معها في حال تقبلها المجتمع كلو بس بصراحة انا ما بحب كون كبش فداء لجرب شي قدام العالم واطلع أنا بالأخير غلطان واللي بيشاركوني بالراي خايفين

    2-هل تعرف أشخاصا غير متزوجين و يعيشون تحت سقف واحد؟

    لا

    3-هل المساكنة مناقضة للزواج أم ممهدة له؟

    بتوقع هالموضوع راجع لوعي الاشخاص

    4-هل المساكنة تقوي العلاقة بين الشريكين ام تساعد على بناء شرخ بينهما وتحطم فكرة العائلة؟

    والله هاد الموضوع كمان راجع للأشخاص بحد ذاتن

    5-ما هي الاسباب التي تجعل الناس يكونون ضد أو مع الفكرة؟

    أنك تكون مع الفكرة معناها انك تكون شب أو صبية بتحب من كل قلبك ومو صايرلك أبدا ترتبط رسميا بسبب الحياة اللي عم نعيشها

    أو ضدها ياأما بتكون متدين ورافضها من مبدأ ديني أو من مبدأ عيب مشان العالم
    أو بدك تكون مرتاح ماديا وأيمت ما بدك بترتبط رسميا وبتقعد بتنظر ع العالم

    6-ما هي نظرتك كرجل لأمرأة تقبل بالمساكنة و هل تفكر حقا بالزواج بها بدون ان تجعله وصمة عار تشتمها بها بعد الزواج ؟

    عادي جدا اذا الواحد راعى الظروف اللي انحطت فيها

    7-من اين اتت هذه الفكرة عند الشباب و ما اسبابها وهل يمكن ان نضعها تحت بند التقليد الاعمى للغرب؟

    برأيي العالم صار صغير والشي اذا بيصير ب نيوزيلاندة منسمع فيه بوكرا يعني انتفت الحدود وصارت مفاهيم المجتمع مشتركة وين ماكان

    برأيي لأ مانها تقليد أعمى للغرب

    مشكورة كتير عالطرح المهم
    avatar
    ابا التراب
    عضـــو موقوف

    عدد الرسائل : 149
    مكان الإقامة : الصين
    Personalized field :
    التقييم : 0
    نقاط : 235
    تاريخ التسجيل : 30/07/2009

    رد: المساكنة

    مُساهمة من طرف ابا التراب في 9/11/2009, 9:55 pm

    المساكَنة عُرْف أو تقليد ..
    لا أعرف ما التسمية المناسِبة ..
    أظهرتْهُ موجةُ الإباحية التي اجتاحت أوروبا في نهاية القرن التاسِع عشر عززها وغذاها ظهور مثقفين وفلاسفة ومفكرين منحوها غطاءاً شرعياً على أسس كثيرة .. مِنها التحرر مِن الكبت الجنسي .. وثقافةِ اكتشاف الآخر .. ونزع الحواجز وإزالة الفوارق بين المرأة والرَّجل وانفتاح المجتمع وغيرِها مِن أمور اقترنت معظمها بتبريرات نفسية وأخرى جسدية نفسية ..
    وطبعا كانت النتيجة النهائية لهذا الانفتاح العشوائي فيما بعد ..
    هو انتشار الإباحيَّة ..
    التي ظهرَت آثارُها لاحِقاً على المجتمعات الغربية بِدءاً بِظهورِ الأمراضِ المُستعصية ومُعظَمُها أمراض جنسيَّة مروراً بظاهرة الأطفال غير الشرعيين التي أخذت بالارتفاع حتى وصَلَت نسبتها في دولة متقدَّمة حضارية
    وهذه ظاهرة انعكست سلبياً على الأسرة الغربية وبالتالي على المجتمع ومدى تماسُكِه ..
    سَمِعْتُ أنه تَمَّ السَّماح لِظاهرة الطَّلاق في بريطانيا ..
    على أساس أنها السَّبيل الأفضل لتقليل حالات العلاقات غير الشرعية ..
    علما أن بريطانيا ومعها بعض دول الغرب مازالت تحارب وبِضراوة هذه الظاهرة في البلدان العربية والإسلامية ممن تود إقامة علاقات معها كشرْط لعلاقات منفتحة اقتصادياً وسياسياً ..
    وعموماً هُماك أدلَّة كثيرة على محاولة الأوروبيين العودة إلى الأسس الصَّحيحة في بناء الأسرة

    في نفس الوقت الذين يمارِسون فيه كل السُّبل لغرسِ هذه العادات في مجتمعاتِنا لِتقويض بِناء الأسرة الصَّحيح فيها ..
    وبالتالي إحداث شروخ كبيرة في مجتمعاتِنا ممَّ يزيدُ ضعْفها ويقوِّض ما تبقى من بنائها القويّ ...



    طيب اذا افترضنا انو المساكنة ممكن تنقص من حالة الكبت الجنسي كما يدعي الغرب...
    مين بجاوبني
    ليش هالكم الهائل من القنوات الجنسيةعند الغرب ...


    طبعاً لازم نحارب هالظاهرة إذا مومن شانا مشان ولادنا يعني تصوروا هالحالي بعد 10 سنوات مثلاً وبعدين ملازم ننسا انو نحنا شرقين وانا كشخص اعتز بشرقيتي

    يعني البنت الي بتحط حالها بهيك تجربة وبكون الشب عالأغلب هدفه الجنس وعندما يحصل على مايريد بتصير المشاكل وبصير بدو يتخلص منها بأي طريقة

    بتكون بهيك حالة باعت نفسها برخيص وباعت شرفها وشرف اهلها

    طبعاً انا ضد هالظاهرة الدخيلة على مجتمعنا من المورد الأساسي وهو الغرب والموزع على البلدان العربية فضائياته ومجلاته ومواقعه



    أشكرك سيدتي الكريمة على هذا الموضوع الواقعي والذي بدأ ينتشر وللأسف في مدينتنا الحبيبة مصياف
    avatar
    Bryan
    مصيافي نحاسي
    مصيافي نحاسي

    عدد الرسائل : 56
    مكان الإقامة : Syria-Masyaf
    التقييم : 0
    نقاط : 37
    تاريخ التسجيل : 29/01/2009

    رد: المساكنة

    مُساهمة من طرف Bryan في 10/11/2009, 1:22 pm

    مرحبا..


    1-هل أنت مع أو ضد المساكنة؟ولماذا؟
    طبعا لا
    لانها حراااااااام وباقي الاسباب لا تذكر قدام هالسبب

    2-هل تعرف أشخاصا غير متزوجين و يعيشون تحت سقف واحد؟
    لا
    3-هل المساكنة مناقضة للزواج أم ممهدة له؟
    بحالات نادرة ممهدة .. والباقي مناقضة

    4-هل المساكنة تقوي العلاقة بين الشريكين ام تساعد على بناء شرخ بينهما وتحطم فكرة العائلة؟
    برأيي ما الها دور انو تقوي أو تبني شرخ
    هي ممكن تكون وسيلة غير سليمة لمعرفة اذا كان في توافق أو في شرخ

    5-ما هي الاسباب التي تجعل الناس يكونون ضد أو مع الفكرة؟
    الدين والأخلاق

    6-ما هي نظرتك كرجل لأمرأة تقبل بالمساكنة و هل تفكر حقا بالزواج بها بدون ان تجعله وصمة عار تشتمها بها بعد الزواج ؟
    أعوذ بالله
    بقرف طلع فيها قبل ما فكر بأي شي

    7-من اين اتت هذه الفكرة عند الشباب و ما اسبابها وهل يمكن ان نضعها تحت بند التقليد الاعمى للغرب؟
    برأيي مانها تقليد أعمى
    لأن اللي بطبقوها بكونو عرفانين شو بدهن
    أو واحد عرفان شو بدو ووحدة مضحوك عليها للأسف


    أو ضدها ياأما بتكون متدين ورافضها من مبدأ ديني أو من مبدأ عيب مشان العالم


    أخ رامستين اسمحلي ضيف انو في نا س غير متدينين ورافضين الفكرة بسبب الاخلاق
    يعني تربيتهن وأخلاقهن ما بتسمحلهن (علما انو هالمفاهيم نسبية ومختلفة عند الناس )
    بغض النظر عن الدين أو العالم اللي ممكن الواحد يتخبى منهن ببساطة
    ...مع الشكر والاحترام...


    أنا على معرفة بأشخاص من مصياف عاملين هالعقد مع بنات من مصياف أيضا


    عمي شوماكان لازم نعملنا شي قعدة مع كاسة متة قبل ما فكر اخطب
    بلكي بتنورنا قبل ما ننغش و نتحشق


    طبعا التحيات والشكر لصاحبة الطرح (سارة)

    ومحبتي للمصايتة
    avatar
    شوماكان
    عضـــو موقوف

    عدد الرسائل : 1644
    مكان الإقامة : مصياف
    Personalized field :
    التقييم : 0
    نقاط : 2338
    تاريخ التسجيل : 01/07/2009

    رد: المساكنة

    مُساهمة من طرف شوماكان في 10/11/2009, 1:49 pm

    أنا على معرفة بأشخاص من مصياف عاملين هالعقد مع بنات من مصياف أيضا



    عمي شوماكان لازم نعملنا شي قعدة مع كاسة متة قبل ما فكر اخطب
    بلكي بتنورنا قبل ما ننغش و نتحشق


    لا خيي بوصطيف


    اللي بعرفهن تزوجوو ومشي حالهن


    لهيك طمن بالك


    بس انا موافق ع كاسة المتة خيي
    avatar
    Bryan
    مصيافي نحاسي
    مصيافي نحاسي

    عدد الرسائل : 56
    مكان الإقامة : Syria-Masyaf
    التقييم : 0
    نقاط : 37
    تاريخ التسجيل : 29/01/2009

    رد: المساكنة

    مُساهمة من طرف Bryan في 10/11/2009, 3:57 pm

    لك انا انا بريان مو بو صطيف
    بلكي الزلمة مو عيزمك تروح تبليه بكاسة متة
    علما انو اكيد ما بقصر


    لهيك طمن بالك

    والله للأسف صعب الواحد يتطمن من هالناحية يا صديقي



    تحياتي
    avatar
    sara
    مصيافي 100%
    مصيافي 100%

    عدد الرسائل : 1295
    مكان الإقامة : بلاد الله الواسعة
    Personalized field :
    التقييم : 15
    نقاط : 1067
    تاريخ التسجيل : 24/11/2008

    رد: المساكنة

    مُساهمة من طرف sara في 16/11/2009, 11:32 pm

    يعني الغالب فيكن بيعترف انو ضد المساكنة و كل اللي ردو شباب شرقيين و الشب الشرقي لا شرقيتو ولادينو بيسمحلو انو يتزوج بعد المساكنة طبعا في ناس عم يقوموا بهالشي و في منهن عم يتزوجوا بس بصراحة الزواج غير مضمون حتى لو كان تجاوزنا تقاليدنا و شرقيتنا و ديننا اللي هوي الاهم يعني تخيلو عم نتجاوز كل هالشي كرمال يا اما نتعرف عالشخص عن كثب او هروبا من الكبت الزايد او اي سبب و بالاخر تفشل هذه التجربة شو نظرتنا لحالنا و لتخلينا عن ديننا و سمعتنا و شرفنا

    انتو جاوبتو و انا ضد لانو اللي ما برضاه لبنتي اكيد ما برضاه لبنات بلدي

    مشكورين جميعا لمشاركاتكم لكل من ايد و عارض

    و اتمنى بقا من الاهالي من الامهات انو يستغنو عن الصبحية وكاسة المتة الصبح او المسا مرة بالاسبوع و يقعدو مع بناتهن يحكو و يتصارحو

    و الابهات كمان يستغنو عن طلعة الكروم و صيد الدرغل و لعبة الشدة بالليل بالقهاوي مرة بس بالاسبوع و يقعدو مع ولادهن كمان يتصارحو و يوعوهن و يفهموهن و يعرفوهن بدينهن و انو اللي ما بيرضوه لاخواتهن ما يرضوه لبنات الناس
    avatar
    أبو يعرب
    مصيافي نحاسي
    مصيافي نحاسي

    عدد الرسائل : 53
    مكان الإقامة : أبو ظبي ـ الامارات
    Personalized field :
    التقييم : 2
    نقاط : 72
    تاريخ التسجيل : 20/02/2010

    رد: المساكنة

    مُساهمة من طرف أبو يعرب في 29/3/2010, 12:01 pm

    كل شخص شرقي بيقول انو ما عندو مشكلة بالمساكنة .. بتصور انو عم يكذب على حالو ... ((( وخصوصا ً الشباب )) .. لانو عند اول منعطف راح يهور.. (( ليش هوي بيرضى انو اختو تعيش هالحالة )) فإذاً صعب كتير ننسى عاداتنا وتقاليدنا وموروثنا الديني .. ولا يجوز انو نقوم بهالقفزة الغير مدروسة مرة واحدة .. هدا بالعادة المثقفين بيسموه احراق مراحل .. وعواقبه غير جيدة .. بس أنا شخصيا ً ابدا ماني مع الفكرة لأني ما فيني كذب على حالي وهيك مواضيع مو بأيدنا لانو هيك تربينا وصارت جزء لا تيجزأ من شخصيتي الشرقية .

      الوقت/التاريخ الآن هو 24/11/2017, 7:31 am