عزيزي الزائر ..
شكراً لزيارتك منتدى مصياف للجميع ، لنعمل سويةً للارتقاء به دائماً نحو الأفضل .
لاعطاء صورة مشرقة لمدينتنا مصياف و ذلك بانضمامك لأسرة المنتدى ..
كذلك هناك الكثير من الأقسام و المزايا و الخدمات تظهر حصرياً للأعضاء المسجلين ..
أهلاً و سهلاً بك في موقع و منتدى مصياف للجميع ..

    ايا حياة اجمل العزوبية ام الحياة الزوجية

    شاطر
    avatar
    ابا التراب
    عضـــو موقوف

    عدد الرسائل : 149
    مكان الإقامة : الصين
    Personalized field :
    التقييم : 0
    نقاط : 235
    تاريخ التسجيل : 30/07/2009

    ايا حياة اجمل العزوبية ام الحياة الزوجية

    مُساهمة من طرف ابا التراب في 4/10/2009, 1:43 pm

    الى كل من يهمه الأمر
    بعد التحية والسلام



    هناك بعض من الشباب والفتيات يحنون الى حياة العزوبيه بعد الزواج
    يحنون الى الحريه .. يحنون الى اشياء كثيره لاحصر لها ... ولربما جعلو يبكون على تلك الايام ويتحسرون على ارتباطهم ... ولربما ايضا" اثنو غيرهم عن الاستعجال بالزواج ..



    وفي المقابل نرى هناك الكثير منهم من يتمنى ان ينضم لعداد المتزوجين في اقرب فرصه تسمح له ,,




    فما السر بين هذا التناقض العجيب ؟؟


    هل حياة العزوبيه افضل من الزواج ام الزواج افضل؟؟


    لو خيروك بين الاثنين ايهما ستختار ؟؟


    هل حياة العزوبيه متعه ام عذاب ؟؟



    موضوع شد انتباهى واحببت ان نتناقش فيه
    اريد رأيكم بكل صراحة وخصوصاً المتزوجين 0


    ورجاء خاص الصراحة ثم الصراحة ثم الصراحة
    avatar
    sara
    مصيافي 100%
    مصيافي 100%

    عدد الرسائل : 1295
    مكان الإقامة : بلاد الله الواسعة
    Personalized field :
    التقييم : 15
    نقاط : 1067
    تاريخ التسجيل : 24/11/2008

    رد: ايا حياة اجمل العزوبية ام الحياة الزوجية

    مُساهمة من طرف sara في 4/10/2009, 3:08 pm

    انا برأيي الصريح جدا انو العزوبية جميلة جدا و فيها الكثير من الحرية و الاستقلالية و الاصدقاء والمغامرة و التجديد

    ولكن اذا نظرنا أبعد قليلا ليست أجمل من الحياة الزوجية اذا أحسنت اختيار الشريك المناسب فيمكنك ان تعيش كثير مما

    عشته في عزوبيتك


    ويوجد فرق ان سألتني الان أم بعد عشر سنين مثلا ربما الان نعاني حياة شاقة عمل بيت زوج اطفال صغار لكني على ثقة أني و بعد 15 عشر سنة اذا الله احيانا لا أريد أن أكون وحيدة بلا اسرة


    فالعزوبية جمالها و حيويتها قد تكون مؤقتة و لكن اذا نظرنا للأمام قليلا نرى أن الحياة الزوجية أفضل فهي تحمل المستقبل [اسرة زوج اولاد احفاد] أما العزوبية فلها الحاضر فقط وأخاف أن أستيقظ فيها فأرى نفسي وحيدة يوما


    يعطيك العافية ابا التراب عطروحاتك المهمة و نشاطك المميز
    avatar
    God Hyena
    عضـــو موقوف

    عدد الرسائل : 964
    مكان الإقامة : In The Other Hell
    Personalized field :
    التقييم : 3
    نقاط : 1203
    تاريخ التسجيل : 07/04/2009

    رد: ايا حياة اجمل العزوبية ام الحياة الزوجية

    مُساهمة من طرف God Hyena في 5/10/2009, 10:02 am

    هلق التنتين حلوات وبشعات بنفس الوقت ...

    بس برأيي أنو سلبيات العزوبية أخف وأحلى ... ونحنا بعدين عزابية ومافينا عم نزبط كيف اذا تزوجنا منصير بدنا أوراق رسمية لنعمل كلشي ورح حطلكو نماذج من هالأوراق انشا الله تعجبكو ...


    هذا النموذج خاص بالخروج من البيت (تصريح)للمتزوجين

    زوجتي الحبيبة؛؛؛؛؛؛؛

    إنا زوجك الموقع أدناه،

    أرجو منكم موافقتكم الكريمة على طلب تصريح خروجي من المنزل في

    يوم: ------- الموافق --- / --- / ---- من الساعة ---- إلى الساعة ----

    وذلك للأسباب التالية:-

    1- --------------------------------------------

    2- --------------------------------------------

    3- ------------------------------------------

    كما أتعهد لكم بالعودة في الوقت المحدد حسب التصريح

    متحملاً أية عقوبة تنص عليها لائحة العقوبات أدناه.



    التوقيع ( الزوج ) --------------------------



    خاص للاستعمال الرسمي ( الزوجة فقط )


    بعد الإطلاع على طلب تصريح الخروج من المنزل والمقدم من زوجنا الحبيب

    وبالنظر إلى مبررات الخروج أعلاه، وملف زوجنا الحبيب، ولائحة العقوبات أدناه

    أمرنا نحن الزوجة ---------------------- بالاتي ¦

    1- بالموافقة على طلب تصريح الخروج من المنزل والمقدم من زوجنا الحبيب

    2- عدم الموافقة على طلب تصريح الخروج للأسباب التالية:-

    1لسريان تنفيذ البند رقم ( ) من لائحة العقوبات أدناه
    2نظراً لتجاوزه الحد الأعلى من التصاريح

    3 لمخالفته لأوامرنا

    4 مزاجنا هذا اليوم ليس مؤهل للسماح بخروج زوجنا

    5 لأناقته الزائدة عن اللزوم عند الخروج



    التوقيع ( الزوجة ) : ----------------- التاريخ --- / --- / ------ م




    لائحة العقوبات

    بند 1 – نوم انفرادي وبدون عشاء ولمدة ( ) يوم
    بند 2 – قطع المصروف اليومي ولمدة ( ) يوم
    بند 3– منع المكالمات الهاتفية في المنزل ولمدة ( ) يوم
    بند 4 – العبوس صباحاً والتكشير مساءً ولمدة ( ) يوم
    بند 5 – سحب الجوال ولمدة ( ) يوم
    بند 6- زيارة أم الزوجة يومياً ولمدة ( ) يوم
    بند 7 – المنع من مشاهدة القنوات الفضائية ولمدة ( ) يوم



    أي بقا بتقلولي زواج .... ههههههههههه...

    اي مابدي حاليا عالأقل ...

    واذا بدي بس منشان الحنان ( الحبيبة يعني ) وبس ..

    شو بدنا نعمل ... هادا الحب وسلبياتو ههههههه .....
    avatar
    sara
    مصيافي 100%
    مصيافي 100%

    عدد الرسائل : 1295
    مكان الإقامة : بلاد الله الواسعة
    Personalized field :
    التقييم : 15
    نقاط : 1067
    تاريخ التسجيل : 24/11/2008

    رد: ايا حياة اجمل العزوبية ام الحياة الزوجية

    مُساهمة من طرف sara في 5/10/2009, 10:32 am

    هههههههههههههههههههه شو هاد لك مين قالك هالحكي جود هينا لا مو لهالدرجة يا عيني عليك عقدوك من الزواج

    لا ما تخاف والله النسوان ما بيخوفو لهالدرجة ما بدهن شي غير الحنية و المصاري و بيكونو كدة
    avatar
    God Hyena
    عضـــو موقوف

    عدد الرسائل : 964
    مكان الإقامة : In The Other Hell
    Personalized field :
    التقييم : 3
    نقاط : 1203
    تاريخ التسجيل : 07/04/2009

    رد: ايا حياة اجمل العزوبية ام الحياة الزوجية

    مُساهمة من طرف God Hyena في 5/10/2009, 10:39 am

    والله يا سارة مو هيك القصة ماني متعقد ولا شي ...

    بس انتي قلتيها ...

    حنية للأسف مافي بالمرة ..

    ومصاري ما منعرف اذا بيصير معنا ..

    بقا الفكرة هلق منسية ليصير عمري 40 سني ... هههههههه ...

    مشكورة كتير ..

    واذا الجازة بدها تجبلي هيك ملائكة متل اللي حاططيهن معلش أنا موافق ..

    الله يخليلك ياهن ...
    avatar
    DODO
    مساعد مدير المنتدى
    مساعد مدير المنتدى

    عدد الرسائل : 2546
    مكان الإقامة : PARIS
    Personalized field :
    التقييم : 20
    نقاط : 1954
    تاريخ التسجيل : 05/10/2008

    رد: ايا حياة اجمل العزوبية ام الحياة الزوجية

    مُساهمة من طرف DODO في 5/10/2009, 11:43 am



    والله أنا من رأي ساره الأولاني والتاني خخخخخخخ

    وبرأيي الواحد إذا كان مختار شريك مناسب إلو .. ممكن يتحولو لأصدقاء


    وكل واحد من الزوجين بيكون إلو حيز من الحريه

    الزواج أبدا مو سجن ولا شي مزعج بالعكس


    الزواج هو قدرتك ع المشاركه بالحب والحياة والأكل والمصاري وكل تفاصيل الحياة ..


    يعني الزواج إذا نجحت فيه بتكون عم تثبت وتبرهن إنك إنسان مشارك بإمتياز أي كريم بالعاطفه وكريم بالمصاري ... كريم بالمعنى العام
    وإذا مانجحت فيه ... برأيي بتكون أكيد أكيد بخيل بناحيه من نواحي الحياه الماديه أو المعنويه ..!!

    الزواج ... بالتأكيد بيعطي حريه أكتر من العزوبيه ..

    الزواج أحلى علاقه إنسانيه ع سطح الأرض .. إذا الزوجين كانو بيحترمو بعض وبيحبو بعض .. وإذا كانو أصدقاء ..

    سنه عن سنه عم بيغلى ع قلبي عهد الولدنه (ماشاء الله ) بالنسبه إلي لقيتو أحلى من ماتخيلت ..

    يعطيك العافيه أبا التراب عقبالك لمن بنفرح فيك وبباقي الأعضاء .. (الله يشمتنا فيكون )


    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ








    avatar
    بو صطيف
    عضـــو موقوف

    عدد الرسائل : 612
    مكان الإقامة : الإمارات خورفاكان
    Personalized field :
    التقييم : 2
    نقاط : 670
    تاريخ التسجيل : 01/01/2009

    رد: ايا حياة اجمل العزوبية ام الحياة الزوجية

    مُساهمة من طرف بو صطيف في 5/10/2009, 8:55 pm

    هههههههههههههههههههههههههههههههههههههههههه

    يا سيدي عنجد ما خليت عليك شي ينقال يا خيي الضبع افحمتني حتي النخاع الشوكي
    و لا تعليق
    ومتل ما بيقول المتل سئال مجرب ولا تسأل حكيم
    ولله جنس حوا معوفنا الله وبدون زعل ان كان بعزوبية أو بزواج
    اي لا يا عمي اي يا دخيل الله ما أحلى كاسة المتة بهالحرش مع الشباب بدون وجع راس

    هلق بهالأيام ماقد في متل نسوان زمان اي ولله بنات هالزمان بيشققو التييب
    ولا شو قولتك ضبع


    وبالنهاية الزلمة صاير هالأيام بالنهار عتال وبالليل زبال
    هههههههههههههههههههههههه
    avatar
    ابا التراب
    عضـــو موقوف

    عدد الرسائل : 149
    مكان الإقامة : الصين
    Personalized field :
    التقييم : 0
    نقاط : 235
    تاريخ التسجيل : 30/07/2009

    رد: ايا حياة اجمل العزوبية ام الحياة الزوجية

    مُساهمة من طرف ابا التراب في 5/10/2009, 11:29 pm

    اول شي الواحد منا كرجال لا يستطيع ان يعيش دون امرأة بغض النظر عن العلاقة التي تربط بينهما ولبقول من الرجال غير هيك بكون كذاااااااب ...

    بعدين بعد مشفت أرائكم دودو وساره بالزواج صار عندي فضول خوض هالتجربة ولاكن المرأة التي سأختارها يجب ان تكون اجمل من الحريه فهل برأيكم ممكن لاقي هيك وحدة

    واذا خضدت هيك تجربة شرط ولاد مافي قبل خمس سنين لانو مومعقولي الواحد يكون نايم مثلاً يفيق عالواع ولويع وشوي بيمرض وشوي مبعرف شو بيتفتق معو بالليل وبصير الواحد منا يشهق ميلحق

    وبعدين في شغلي يعني معقولي الواحد منا قادر يعيش مع وحدة 30 سنة مثلاُ انا هالشغلي مخوفتني انو مفي استمر او مل ياريت شوف أراء المتزوجين بهالنقطة...

    بعدين دودو قلتي


    وكل واحد من الزوجين بيكون إلو حيز من الحريه

    اي انو حرية هي اذا الواحد دخل عالبييت اول عشر اسألة وين كنت ومعين ومين شفت وشو اشتغلت وليش مجبت اللغراض الي وصيتك عليهن واذا كان شيف شي وحدة معو بالشغل مثلاً وصارحا بهالشي ياويلاه شو بدو يصير انا برأي بيدها طبق قانون العقوبات الي حكاعنو جود هينا واتهامو بالخيانة العظمه طبعاً هدا الحكي بسمع انو بصير بامتزوجين فيا ريت تزودونا بنصائحكم الحكيمة قبل مينعما عقلبو الواحد ويحب ويتزوج

    وبعدين دودو وساره اذا صار هالشي وتزوجت في يوم من الأيام رح تكونوا اول المعازيم بس قبل مفكر بهيك خطوي انصحوني ولتورطوني ها لانو انا هيك كتير مبسوط لحدا بقلي وين رايح او وين كنت او لازم تاخدني معك وغيرو وغيراتو ...

    جود هينا اعطيني رأيك بهمني لانو بلكي دودو وسارة بدهن يورطونا بما انن متورطين حسب مفهمت من الردود طبعاً عم امزح

    وشكراً لكم عالحوار الرائع
    avatar
    sara
    مصيافي 100%
    مصيافي 100%

    عدد الرسائل : 1295
    مكان الإقامة : بلاد الله الواسعة
    Personalized field :
    التقييم : 15
    نقاط : 1067
    تاريخ التسجيل : 24/11/2008

    رد: ايا حياة اجمل العزوبية ام الحياة الزوجية

    مُساهمة من طرف sara في 7/10/2009, 10:18 am

    اذا بدك نصيحتي اللي ببيت أهلو عمهلو بعدين بدو يكون اختيارك بتأني و عمهل و أكيد لازم تاخد انسانة فهمانة عقولة [علي السليقة ] يعني طالعة ودارسة و شايفة هالدنيا مشان ما تعذبك و تدقق عكل شي و مانك مستعجل عمية مهلد دور و بحبش اللا ما تلاقي الكنز المفقود و ليك النق بالفترة الأولى و المشاكل لا بد منها بدكم فترة لتتفاهمو و يتعرف كل واحد عالتاني و مشاكلو عن كثب لأنو فترة الخطبة مو كافية و الحياة الزوجية مختلفة

    و عحكيك انو خايف تمل و فترة طويلة هي الشغلة اللي بيحركها الروتين و الملل هوي انت و زوجتك اللي لازم ما تخلو الروتين يدخل عحياتكن و هيي اذا انسانة واعية و فهيمة رح تحركلك الجو و ما تخليك تمل و انت لازم تساعدها بهالشي و كل فترة بعدو عن بعض شوي ليتجدد الاشتياق و ينكسر الروتين و حافظو عصداقاتكو القديمة و خلوها تدخل اطار عائلي اذا فيكن و اذا ما فيكن مو مشكلة خلو كل واحد الو صداقاتو لانو رح تلزمكن بعدين و بتعملكن أكشن و لا تستعجل ابدا عدم المواخذة و بصراحة بالغة البنت بتستعجل لحتى تلحق تجيب ولاد بس الشب ما وراه شي فاتأنى بالاختياروعيش كل مرحلة بطولها و عرضها ان كان حب او خطبة

    هدا اللي فيني انصحك فيه و اذا بدك اي شي تاني نحنا بالخدمة
    avatar
    ابو هــــــــ
    شيخ شباب المنتدى
    شيخ شباب المنتدى

    عدد الرسائل : 2831
    مكان الإقامة : بالبيت هههههه
    Personalized field :
    التقييم : 7
    نقاط : 2165
    تاريخ التسجيل : 23/10/2008

    رد: ايا حياة اجمل العزوبية ام الحياة الزوجية

    مُساهمة من طرف ابو هــــــــ في 7/10/2009, 11:08 am

    لا تسدقوا في احلى بالعالم من العزابي كزب يا عمي


    قرد شو ما عملت ما حا بقلك وين وليش ولمين


    قرد اما بس تتزوج الله يعينك يا عمي اكيد ما في مقارنة بين التنتين

    بو هارون الله والعزوبية
    avatar
    Rammstein
    مصيافي نحاسي
    مصيافي نحاسي

    عدد الرسائل : 211
    مكان الإقامة : مصياف
    Personalized field :
    التقييم : 4
    نقاط : 285
    تاريخ التسجيل : 12/10/2009

    رد: ايا حياة اجمل العزوبية ام الحياة الزوجية

    مُساهمة من طرف Rammstein في 12/10/2009, 5:25 pm

    والله التوازن بين التنيتين حلو
    يعني حلو أنو الواحد متل ما حكو الشباب يستغل اوقلت عزوبيتو وينبسط ويتسلى ويهستر لأنو " مافي ورا ولا قدامو"
    بس بالأخير وعلى المدى الطويل الانسان مافيي يضل عايش لحلو
    avatar
    DODO
    مساعد مدير المنتدى
    مساعد مدير المنتدى

    عدد الرسائل : 2546
    مكان الإقامة : PARIS
    Personalized field :
    التقييم : 20
    نقاط : 1954
    تاريخ التسجيل : 05/10/2008

    رد: ايا حياة اجمل العزوبية ام الحياة الزوجية

    مُساهمة من طرف DODO في 12/10/2009, 7:39 pm


    أنا قلتلك رأيي أبا التراب .. وإنت إذا خويف لهالدرجه وخايف ع حريتك متل ماقالتلك ساره

    خليك عصفور طياري لحتى تمل من حالة الوحده والحريه وتتمنى يدخل حدى يشاركك حياتك

    والله يوفق تنسفق ولا تنسى تعزمنا إذا كنا عايشين لهديك الأيام


    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ









      الوقت/التاريخ الآن هو 23/6/2017, 3:44 pm