عزيزي الزائر ..
شكراً لزيارتك منتدى مصياف للجميع ، لنعمل سويةً للارتقاء به دائماً نحو الأفضل .
لاعطاء صورة مشرقة لمدينتنا مصياف و ذلك بانضمامك لأسرة المنتدى ..
كذلك هناك الكثير من الأقسام و المزايا و الخدمات تظهر حصرياً للأعضاء المسجلين ..
أهلاً و سهلاً بك في موقع و منتدى مصياف للجميع ..

    التقليد السيء للغرب

    شاطر
    avatar
    ابا التراب
    عضـــو موقوف

    عدد الرسائل : 149
    مكان الإقامة : الصين
    Personalized field :
    التقييم : 0
    نقاط : 235
    تاريخ التسجيل : 30/07/2009

    التقليد السيء للغرب

    مُساهمة من طرف ابا التراب في 11/9/2009, 6:00 pm

    بعد التحية والسلام

    مما لاشك فيه أن الإنسان يتأثر بمن حوله وبما حوله من أشخاص وأحداث وأشياء ..

    والإنسان المتوازن يتأثر ويؤثر .. وهذا يعني أن التقليد يمكن أن يكون طبيعياً ،،

    حيث يتأثر الإنسان بالأشخاص من حوله بأفكارهم وسلوكهم وتصرفاتهم وثيابهم ..

    وغير ذلك . وهذا يساهم في قبوله في الجماعة التي ينتمي إليها ويعزز مكانته فيها..

    لكن إن تجاوز التقليد حده .. فإنه يلغي شخصية المقلد ..

    قرأت مقولة لا أتذكر قائلها .. (( عندما يتفق اثنان في كل شئ ،، فأحدهما زائد لا ضرورة له )) ..

    ولمناقشة هذه الظاهرة التي انتشرت على أرضنا :

    بودي أن نتكلم عن التقليد من جميع النواحي ..

    ذكرت لكم بالأعلى مفهوم مبسط للتقليد .. فما مفهوم التقليد في نظركم ؟؟

    للأسف في عصرنا الراهن أصبح شبابنا وفتياتنا يقلدنا الغرب بمساوئه فقط..

    اصبح الشاب يقلد الغرب والمغنين في أشكالهم .. وملابسهم .. وطريقة كلامهم .. وتفكيرهم ..

    حتى تجده يعرف كل صغيرة وكبيرة في حياة هذا الفنان .. لاجل تقليده .. ولأنه وبكل بساطة معجب بهذه الشخصية ..

    التي تتميز بالعقول الفارغة .. وبالخواء بداخلها ..

    الشئ الوحيد المكتسب في تلك الشخصيات التي اعتبروها شبابنا القدوة هو ( الشهرة ) ..

    فقط لا غير ..

    وكذلك الحال بالنسبة للفتيات ..

    فلو بدأت لكم بذكر القصص فلن أنتهي .. وهذا يحزن قلبي ويدميه ..

    في اعتقادكم .. ما هو سبب تقليد شبابنا وفتياتنا لتلك الشخصيات ؟؟

    ولم لا يتخذون من المفكرين والعلماء وأهل الخير قدوةً لهم ؟؟

    نعم التقليد مطلوب .. حتى ان بعض المفكرين قالوا : لتصل الى القمة .. اختر من الشخصيات الطموحة ..

    والتي استطاعت أن تثبت وجودها وذاتها .. وقلدها ..

    فالتقليد يساعدك على اكمال المشوار .. وتسهيل طريقك للعلو والارتفاع ..

    في رأيكم ..

    هل التقليد في بعض الأحيان يعود لصاحبه بالنفع والفائدة ؟؟ متى يكون التقليد مجدي ونافع ؟؟ ومتى يكون العكس

    أي يصبح التقليد سلبي ( ويلغي شخصية الفرد ) ؟؟

    أحببت أن أتطرق لنقطة أيضاً بالنسبة للأطفال ..

    علينا نحن كآباء وأمهاات ،، وأخوة ..

    أن نكون قدوة حسنة للطفل .. أن نتصرف بالتصرفات اللائقة .. والتي تطبع بالخير في نفس الطفل ..

    لأن الطفل يعشق التقليد .. وخاصة أبيه وأمه لأنه يرااهم المثل الأعلى ..

    أخيراً ..

    التقليد مهم .. وأمر محبب لدينا.. فنحن لم نخلق من بطون أمهاتنا عالمين بكل شئ ..

    ولم نخلق ملائكة .. نحن بشر لدينا عيوب وأخطاء .. نقلد من نراهم مناسبين للتقليد .. لتصحيح الأخطاء ..

    وتغيير العيوب .. وتقويم الاعوجاج ..

    نحن نريد منكم يا شبابنا وفتياتنا أن نقلد الغرب في تطورهم .. واختراعاتهم .. واهتمامهم بالمواهب والابداعات ..

    لا نقلدهم بالمراقص ,, واللهو والغناء ..

    أنا لا اقول هذا الكلام اعجاباً بالغرب .. بل انه الحقيقة التي لا مفر منها ..

    ان أحببت التقليد فاختر من الشخصيات أنسبها .. وقلدها في حدود المعقول ..

    حتى لا تلغي شخصيتك ..

    فلا يوجد اثنان متفقان في كل شئ .. بل لابد لكل شخص عيوب ومميزات ليست في الأخر ..

    وانا أرا في مدينتنا الصغيرة بالمساحة الكبيرة بأصالة أهلها مصياف الحبيبة أنا ظاهرة التقليد للغرب بلبسه وسيئاته تتوسع للأسف وهذا سيوأدي الى الغاء شرقيتنا وهذا مالا اريده ...
    في النهاية ..

    تسعدني جداً أرائكم ,, وملاحظاتكم ..
    لكم خالص ودي واحترامي ..
    avatar
    ADMIN
    مدير المنتدى
    مدير المنتدى

    عدد الرسائل : 2463
    مكان الإقامة : في هذا العالم ..
    Personalized field :
    التقييم : 24
    نقاط : 3626
    تاريخ التسجيل : 05/10/2008

    رد: التقليد السيء للغرب

    مُساهمة من طرف ADMIN في 11/9/2009, 11:56 pm

    موضوعك كتير حلو و مهم لانو بيحكي عن واقع معاش و بشدة في مجتمعاتنا و بيمس شريحة كبيرة و اساسية
    و على اعتبار ان شريحة الشباب هي الاساس الذي يرتكز عليه مستقبل هذه المجتمعات فبالتالي التقليد
    السلبي للغرب سينتج عنه مجتمع مفكك و ضايع ما بين ثقافته و تقاليده و عاداته و بين ما اتخذه قدوة له
    في المجتمعات الغربيه .. لانه و للاسف اغلبه تقليد سلبي ..

    لي عودة .. لان الموضوع شيق و بتمنى من الاعضاء ان يعطوه حقه بالنقاش و الآراء ..

    تحياتي


    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ








    مصياف للجميع ............. نريد أن تكون صفحتكم المفضلة على الشبكة الدوليه
    www.masyaf4all.com - www.masyaf4all.info

    avatar
    God Hyena
    عضـــو موقوف

    عدد الرسائل : 964
    مكان الإقامة : In The Other Hell
    Personalized field :
    التقييم : 3
    نقاط : 1203
    تاريخ التسجيل : 07/04/2009

    رد: التقليد السيء للغرب

    مُساهمة من طرف God Hyena في 12/9/2009, 12:11 am

    أنك تجد نفسك داخل مجتمع شبابي غريب بعض الشيء، ربما لانه يفتقد الى اي عطر شرقي خال من

    اي تقاليد وعادات اعتدنا عليها. ولعل الثياب الغريبة بعض الشيء التي يرتديها افراد هذا المجتمع تشكل علامة الاستفهام البارزة لدى رؤيتك لهم اما

    الوجوه فقد تزينت بتسريحات مجنونة للشعر بل فكاهية قبل ان ننسى تزين بعض الاجسام بوشومات لم ولن نعتاد على رؤيتها في المجتمعات الشرقية.

    اين نحن؟

    سؤال يتبادر الى اذهاننا. لاشك ان الهوية العربية قد رميت عند عتبة الباب الرئيسي للمجتمع، اما اللغة فقد امتزجت ببعض الكلمات والعبارات الاجنبية

    'كي نماشي العصر'. ان ما نعيشه في ايامنا هذه يدعي التقليد الاعمى للغرب


    وقد تحققت في أمتنا الإسلامية في هذا العصر وهي تعيش الهامشية في كثير من نواحي الحياة.

    وليت بعض شبابنا الذين قلّدوا الغرب كانوا قلّدوهم في ..

    الصناعة والإنتاج والإبداع ولكنهم للأسف قلّدوهم في بعض الصور الباهتة البائسة كقصة الشعر عند مايكل جاكسون

    والعزف على الغيتار الكهربائي وفن أكل الهامبرجر والشّره في تناول البيتزا





    الأمم المغلوبة تقلَّد الأمم الغالبة هذا ما قرره رائد علم الاجتماع ابن خلدون وهي نظرية معتبرة



    موضوعك رائع جدا جدا جدا وبحييك عاختيارك ...

    تستحق الموضوع المميز والحضور الرائع في واحة الحوارات
    avatar
    sara
    مصيافي 100%
    مصيافي 100%

    عدد الرسائل : 1295
    مكان الإقامة : بلاد الله الواسعة
    Personalized field :
    التقييم : 15
    نقاط : 1067
    تاريخ التسجيل : 24/11/2008

    رد: التقليد السيء للغرب

    مُساهمة من طرف sara في 12/9/2009, 11:08 pm

    انا اجيت ولو اني هلكانة بس الي يومين مشغولة و عم اجل الحكي وهلق لازم اعطي رايي باختصار عاساس و بعدين بكمل

    هلق التقليد ثلاث انواع تقليد جيد و تقليد سيء و تقليد اعمى

    التقليد السيء الذي يشمل كل ما يبتعد عن عقائدنا و ديننا و مبادئنا و عاداتنا كالتقليد باللباس الفاضح و الوشم و الانفصال عن الاهل و ممارسة الهوى وغيره كثير

    التقليد الجيد الذي يشمل العمل و التنظيم و الابتكار و العلم و الاعتماد عالنفس و ايضا الكثير

    التقليد الاعمى الذي يشمل الصالح و الطالح

    وهنا دور الشخص ووعيه في انه اذا احب ان يقلد بقصة شعر او بلباس معين ان يختار ما يناسب و يحسن منه ليناسب دينه و عقيدته اي ان يهذبه قليلا لكي لا يبدو شاذا بوسط مجتمعه فلا يقلد تقليد اعمى

    مثال
    هلق اذابنت متزنة و حبت انو تقلد قصة قصتها ممثلة او فنانة اوروبية عيب؟ لا طبعا

    بس لما بتكون هالانسانة فارغة و غير واعية و تقلد هذا التقليد الاعمى بدون تهذيب و بدون مراعاة ولاتفكير فتختار قصة لا تناسبها هذا برايي الغلط بالتقليد
    والبنت اللي ما عاد نميزها عن الشب هدا غلط و الشب و البنت اللي بدن يواكبو العصر و يعيشو ببيت قبل الزواج ليتعرفو عبعض هدا الغلط وين ديننا وين عقائدنا وين عقلنا

    يا ريت نطور حالنا و نحترمها شوي بالتحكم بانفسنا و رغباتها و تسييرها بالاتجاه اللي بيجملنا عنجد و بينفعنا و بينفع ديننا و بلدنا و تفكيرنا

    انا ماني متعصبة ولاني متحجبة بس انا لما بشوف وحدة متحجبة و سافرت عالغرب و ما شالت حجابها بتكبر بعيني لانو عندها مبدأ انو الله هون و بالغرب و بالشرق و بالقطب و بحترم البنت الغربية اللي بتروح عالسعودية و بتحط حجاب لانها رغم عدم قناعتها بالحجاب بس محترمة البلد وعقائدو

    فيا ناس اذا بدكن تقلدو قلدو بس قبل اتطلعو عحالكن من الداخل و خلو عقلكن مليان قبل مشان يضل التقليد ضيف خفيف الظل و لا تخلو يسكن عقولكن مشان ما يتملكها
    و دائما يا بني ادم اتطلع بالمراية عحالك بعد التقليد و تخيلو الله فوق شايف و ابوك عيمينك و ابن سينا عيسارك و مجتمعك العربي خلفك و اذا كنت راضي عن نفسك و عندك ثقة بقرارك اتخذو بدون تردد

    اذا ما عملنا لحالنا و لبلدنا و لديننا قيمة بعمرن الغرب ما لح يعملولنا قيمة

    مشكور ابا التراب عمواضيعك المميزة
    avatar
    بو صطيف
    عضـــو موقوف

    عدد الرسائل : 612
    مكان الإقامة : الإمارات خورفاكان
    Personalized field :
    التقييم : 2
    نقاط : 670
    تاريخ التسجيل : 01/01/2009

    رد: التقليد السيء للغرب

    مُساهمة من طرف بو صطيف في 13/9/2009, 2:07 am

    يعطيك العافية خيي ابا التراب على هلموضوع،
    المهم أريد أن نبدأ النقاش بسؤالين :

    هل التقليد الأعمى للغرب عبارة عن محاكاة روح الشباب لصنوف الموضه ؟

    أم أنه استعمار فكري غربي يستهدف غزو فكر الشباب العربي لتدمير مجتمعنا الشرقي المحافظ ؟


    ويعطيكو العافة وبنتظار ردودكن
    avatar
    شوماكان
    عضـــو موقوف

    عدد الرسائل : 1644
    مكان الإقامة : مصياف
    Personalized field :
    التقييم : 0
    نقاط : 2338
    تاريخ التسجيل : 01/07/2009

    رد: التقليد السيء للغرب

    مُساهمة من طرف شوماكان في 13/9/2009, 9:25 pm

    مشكور ياغالي ع هالطرح المهم

    حابب قول شي :


    المشكلة عنا بمصياف انو مو بس عم ياخدو شي من الغرب بطريقة عشوائية وغير مفهومة ومدروسة


    المشكلة أنو في ظاهرة اللي هيي:


    الإستغناء عن مظاهر من واقعنا ومن حياتنا اليومية بدون حتى مايجيبو إلها بديل


    وهادا شي خطير لأنو رح يخفي القديم ورح يولد فراغ كبير رح يخلي أيا ظاهرة تانيي تدخل وتحل محل القديمة حتى لو كانت مسيئة لعاداتنا وتقاليدنا


    مشكور خيي ع موضوعك المميز
    avatar
    sara
    مصيافي 100%
    مصيافي 100%

    عدد الرسائل : 1295
    مكان الإقامة : بلاد الله الواسعة
    Personalized field :
    التقييم : 15
    نقاط : 1067
    تاريخ التسجيل : 24/11/2008

    رد: التقليد السيء للغرب

    مُساهمة من طرف sara في 13/9/2009, 11:10 pm

    بو صطيف كتب:يعطيك العافية خيي ابا التراب على هلموضوع،
    المهم أريد أن نبدأ النقاش بسؤالين :

    هل التقليد الأعمى للغرب عبارة عن محاكاة روح الشباب لصنوف الموضه ؟

    أم أنه استعمار فكري غربي يستهدف غزو فكر الشباب العربي لتدمير مجتمعنا الشرقي المحافظ ؟


    ويعطيكو العافة وبنتظار ردودكن

    ليش باعتقادك انو الغرب بهالسخافة ليهدف تغيير الموضة و الحكي الفاضي اكيد مآربو اكبر من هيك و هوي عم يعرف انو عنا نقط ضعف كتيرة عم يستغلها هوي عم ينظر لشعبناانو محافظ و خجول و متكتم ومقهور و ضعيف ولاحول له ولا قوةوهوي بدو ياه هيك و اكتر من هيك هوي عم يلعب عهي النقطة ما بدو هدول الناشطين و العلماء و المفكرين و الثوريين و الابطال بدو يانا نضل ضعفاء و سخفاء لحتى يضل فارض هيمنتو و سيطرتو و جبروتو
    و بيجوز بيخاف من ديننا لانو دين حق بس دائما بيحطو حجة للارهاب مشان يبرر لافعالو و سيطرتو

    نحنا ما مننكر انو عندن اشياء كتيرة لازم نتعلمها منن بس لازم نحدد شو هيي هالاشياء بدون ما نخسر اللي عنا لانو بيكون جردنا من كل ما نملك من دين و تاريخ و عروبة

    بتمنى انو ما ينجح بهالشي
    avatar
    sara
    مصيافي 100%
    مصيافي 100%

    عدد الرسائل : 1295
    مكان الإقامة : بلاد الله الواسعة
    Personalized field :
    التقييم : 15
    نقاط : 1067
    تاريخ التسجيل : 24/11/2008

    رد: التقليد السيء للغرب

    مُساهمة من طرف sara في 13/9/2009, 11:46 pm

    ونسيت قول انو هالهيمنة اللي بيطمح الها الغرب مو بس فكرية فكرية و اقتصادية و عقائدية

    بدن يانا ننسى لغتنا تاريخنا ديننا

    ونحنا ما عم نكذب خبر

    بنج كامل
    مصيافي فريش
    مصيافي فريش

    عدد الرسائل : 5
    مكان الإقامة : اسبانيا
    Personalized field :
    التقييم : 0
    نقاط : 5
    تاريخ التسجيل : 24/08/2009

    رد: التقليد السيء للغرب

    مُساهمة من طرف بنج كامل في 14/9/2009, 12:24 am

    انا بعتقد انو الناس بالغرب مو متذكرينا اساسا
    لانو نحنا نسينا انفسنا ... و الامراض تفتك بالجسم الضعيف
    avatar
    ابا التراب
    عضـــو موقوف

    عدد الرسائل : 149
    مكان الإقامة : الصين
    Personalized field :
    التقييم : 0
    نقاط : 235
    تاريخ التسجيل : 30/07/2009

    رد: التقليد السيء للغرب

    مُساهمة من طرف ابا التراب في 14/9/2009, 1:02 am

    بعد التحية والسلام
    اخي ابو صطيف لقد قلتا في سؤالك الاول
    هل التقليد الأعمى للغرب عبارة عن محاكاة روح الشباب لصنوف الموضه ؟

    انا برأي لاء لانو الغرب طبيعتو هيك لبسو هيك بس نحنا لما منطلع عالغرب وبنشوف هالتقدم بنفكر انو اللبس هو البوابي لدخول الى الغرب وهذا الخطاءالاكبر بالتقليد السلبي
    أم أنه استعمار فكري غربي يستهدف غزو فكر الشباب العربي لتدمير مجتمعنا الشرقي المحافظ ؟

    [b]بنسبي لهادا السؤال انا مابعتقد الغرب بفكر بهالطريقة لانو المشروع الغربي كما قالت الاخت ساره اكبر منهيك بعدين المشكلة مو بالغرب المشكلة بالشباب المقلد فعلى سبيل المثال البنت في الغرب بعد سن 18 تسكن لوحدها وهذا برأي المتواضع خطاء بالغرب فما بالك لو هالشيء طبق عنا اين مجتمعنا سيصل واين عاداتونا وتقاليدونا من هذاواين دينونا
    سيدي الكريم نحنو نملك مالا يملكه الغرب الا وهو الترابط الاجتماعي
    وبرأي ان هذا الترابط يشكل نقطة قوة والغرب كما نعلم لايريد ان يكون لدينا نقاط قوة ويسعى لتفكيك هذه النقطة[/b]

    كما قلت اخت ساره في ردك ان الغرب
    عم ينظر لشعبناانو محافظ و خجول و متكتم ومقهور و ضعيف
    اوافقك على ماقلتي ولكن لا اوافقك على كلمت (ضعيف)
    لانه برأي طبعا ينظر اليه من منظور القوة الاجتماعية ويسعى من خلال اعلامه وفضائياته ان ينمي حالة الكبت عند الشباب العربي بشكل عام من خلال كليباته
    او غير ذلك
    لانا هذا الكبت سيصل الى الذروة ومن بعدها سينفجر ليدمر مجتمعنا والعنصر الذي يساعده هو وجود المقلدين زوي العقول الفارغة

    شكراًلكم جميعاً
    avatar
    sara
    مصيافي 100%
    مصيافي 100%

    عدد الرسائل : 1295
    مكان الإقامة : بلاد الله الواسعة
    Personalized field :
    التقييم : 15
    نقاط : 1067
    تاريخ التسجيل : 24/11/2008

    رد: التقليد السيء للغرب

    مُساهمة من طرف sara في 14/9/2009, 1:30 am

    ولازم لا ننسى الغزو الثقافي للغة اللي عم تضيع عند البعض للاستعاضة عنها باللغة الانكليزية لينسو اللغة الام و يعلمو اولادهم الانكليزية كلغة ام بدون تعليمهم لغتهم العربية

    يعني برايك لما رئيس اميركي بيطلع عمراى الناس الكل بيحكي اكاذيب و بيدعي ادعاءات و بيوعد و بيهدد و بيتوعد و بيحاصر اقتصاديا و بيحاكم و بيحتل و بيسيطر و بياخد قرارات بالهجوم بالدفاع بالسلم او الحرب بغض النظر عن دولنا العربية و حقوقها شو بتكون نظرتو لهالشعوب انها قوية؟وهيي مو قادرة تعمل شي او قادرة و ما عم تعمل لشو ما بعرف اكيد في اسباب سياسية بس لما بتكون هالدول متفرقة رح تكون ضعيفة لانو ايد لحالها ما بتسفق و هوي عم يعزز هالتفرقة بين العرب و اذا كان في بعض الابطال فالغالب خاضعين راضخين صامتين ولا يكتفون بهذا بل و يتطبعون بكل سيء قادم من الغرب اليس هذا ضعف
    ام له اسم اخر

    تحياتي
    avatar
    Lily Rose
    مصيافي نحاسي
    مصيافي نحاسي

    عدد الرسائل : 264
    مكان الإقامة : Massyaf
    Personalized field :
    التقييم : 5
    نقاط : 360
    تاريخ التسجيل : 02/02/2009

    رد: التقليد السيء للغرب

    مُساهمة من طرف Lily Rose في 14/9/2009, 12:17 pm

    بليز ما حدا يحكي عاللغة الانكليزية لأنو هي مجال اختصاصي
    (لا تصدقي سارة عم امزح)
    كل شي قلتوه صح بس باعتقادي سبب التقليد السلبي للغرب والاكتفاء بالقشور
    هالفراغ المادي والروحي والوقتي اللي عم بيعيشو شعبنا وشبابنا
    يعني أنا مثلا طلعت مرة زيارة ع دولة أجنبية
    وشفت كيف الناس هونيك مو فاضية تفكر شو بدها تلبس
    لأنو هيك شغلات تعتبر مضيعة للوقت بالمجتمع الغربي
    كل الناس كبير وصغير وذكر وأنثى عم يركد ليساهم بتطوير بلدو
    حتى اللباس الفاضح اللي بيلبسوه بعض البنات بالأماكن العامة بيكون عفوي ما بيهدف لاظهار المفاتن ولفت نظر الشباب
    أما سخافاتهن اللي منشوفها بالأفلام فهي لا تقارن بجديتهن واحساسهن العالي بالوقت
    بينما نحنا منروح عالشغل منمرق هالكم ساعة وبعدين منجتهد باضاعة باقي وقتنا
    وأكيد السبب هوي التخلف والظروف الاقتصادية والسياسية والاجتماعية المفروضة علينا
    وبما انو سارة ذكرت الدين فأنا بضيف انو التطبيق السيء للدين مساهم كتير بهالشي
    لأنو التعصب بيولد الكبت والكبت بيولد الانحراف
    لو شعبنا مربى ع حب بلدو والانتاج لافادتو ما كان لاقى وقت لكل هالأمور
    يعني لاحظوا المتعلمين والمثقفين والفهايم عنا مترفعين عن كل هالأشياء
    والقلة منهن اللي بتقلد الغرب ما حدا بينتقدهن
    لأنو دافع التقليد مختلف متل ما قالت سارة
    وما بيخلوا هالتقليد يلهيهن عن اجتهادهن ومثابرتهن بالعكس بيحققلهن تميز اضافي
    لهيك التقليد هوي نتيجة حتمية لأسباب معروفة لازم اجتثاثها من جذورها
    صحي هوي غالبا حالات فردية بس الأسباب متعلقة بالمجتمع ككل
    آسفة اذا طولت ويعطيك العافية أبا التراب
    avatar
    بو صطيف
    عضـــو موقوف

    عدد الرسائل : 612
    مكان الإقامة : الإمارات خورفاكان
    Personalized field :
    التقييم : 2
    نقاط : 670
    تاريخ التسجيل : 01/01/2009

    رد: التقليد السيء للغرب

    مُساهمة من طرف بو صطيف في 14/9/2009, 3:13 pm

    حبيبي ابا التراب انا كان سؤالي الأول كالتالي :
    هل التقليد الأعمى للغرب عبارة عن محاكاة روح الشباب لصنوف الموضه ؟
    فأرجو منك انك تتمعن اكتر بقراءة السؤال لأنو انا ما عم اقصد انو الغرب هوي الي عم يقلد او يجيب عادات دخيلة ععاداتو انا بوافقك انو هوي اصلا هيك .
    ونفس الشي بالإجابة التانية بعدت كتير عن السؤال
    وانا برأيي انو ما في شي اكبر من انو الغرب يستعمر افكار الشباب الي لازال غض وفتي بتفكيرو ما بظن انو في شيئ اخطر من هل شي .
    وطبعا سارة موضوع تقليد الشباب للمو ضة هوي خطة من خطط الغرب ليمهدو لشي اعظم من هلشي والموضة عبارة عن ثغرة بيكونوها بشبابنا العربي ومن ثم اللآتي أعظم وهنن عم يتبعو التسلسلية بهلأمر من شان باقي الأمور تجي الهن عالبارد المستريح ونحنا نعطيهن الخيط والمخيط من بعدها وبالنسبة للغة انا بشوف انو شي ضرروي انو كل مواطن عربي يكون عندو المام فيها منشان يطبق علي المثل الي بيقول (( من عرف لغة قوم سلم شرهن )) او ما يشابهه بالمعنى .
    وبالنسبة لليلي روس وكما ذكرت انو
    حتى اللباس الفاضح اللي بيلبسوه بعض البنات بالأماكن العامة بيكون عفوي ما بيهدف لاظهار المفاتن ولفت نظر الشباب

    انا بوجه الك السؤال لماذا يرتدون نفس هذه الملابس إذا لم يكن قصدهن إظهار المفاتن ولفت نظر الشباب ؟
    علماًبأنه بكثيرٍ من المذاهب المسيحية هذه الأمور مرفوضة رفضا قاطعاً

    وشكراً كتير ابا التراب على هلموضوع المهم وبإنتظار مواضيع اخرى وتحياتي لكل الأعضاء والمقيمين على الموقع
    avatar
    sara
    مصيافي 100%
    مصيافي 100%

    عدد الرسائل : 1295
    مكان الإقامة : بلاد الله الواسعة
    Personalized field :
    التقييم : 15
    نقاط : 1067
    تاريخ التسجيل : 24/11/2008

    رد: التقليد السيء للغرب

    مُساهمة من طرف sara في 14/9/2009, 10:24 pm

    بو صطيف كتب: وبالنسبة للغة انا بشوف انو شي ضرروي انو كل مواطن عربي يكون عندو المام فيها منشان يطبق علي المثل الي بيقول (( من عرف لغة قوم سلم شرهن )) او ما يشابهه بالمعنى .




    الظاهر في سوء فهم عاللغة مو القصد انو ما لازم يكون عنا معرفة باللغة القصد انو ما نتخلى عن تعليم اللغة الام اللي هيي العربية لولادنا و نعلمهن فقط الانكليزية او الفرنسية او ايا كانت كما يحدث عند الكثير

    مشكورين
    avatar
    sara
    مصيافي 100%
    مصيافي 100%

    عدد الرسائل : 1295
    مكان الإقامة : بلاد الله الواسعة
    Personalized field :
    التقييم : 15
    نقاط : 1067
    تاريخ التسجيل : 24/11/2008

    رد: التقليد السيء للغرب

    مُساهمة من طرف sara في 14/9/2009, 10:39 pm

    متل ما قالت ليلي روز عن الغرب انو هنن بيتميزو عنا بكذا امر جيد و هدا اللي افضل انو نقلدو و نقتبسو منهن الا و هو التنظيم للاستفادة من اغلب الوقت لما فيه الفائدة و تنمية الابداعات و المواهب و الاهتمام بهاو تقديم كل رعاية و دفع و مساعدة

    فللوقت و العمل قيمة كبيرة عندهم

    اما عن اللبس و الموضة كمان متل ما قلتي ليلي هنن اكتر شعب ما بتهمو هالقشور و بتلاقي
    1- كل ذي شأن من العلماء و المبدعين دائما بملابس بسيطة عملية مريحة مرتبة

    2-بنات الليل امام الحانات و المقاهي الليلية بالملابس الفاضحة

    فتركنا الاول و لم نعره اهمية و اخذ الثاني منا كل الانجذاب و الاهتمام

    اتمنى من الجميع مني و صاعدا اخذ العبر من هذه الحوارات و الاستفادة منها و من مقاصدها

    والشكر للجميع
    avatar
    بو صطيف
    عضـــو موقوف

    عدد الرسائل : 612
    مكان الإقامة : الإمارات خورفاكان
    Personalized field :
    التقييم : 2
    نقاط : 670
    تاريخ التسجيل : 01/01/2009

    رد: التقليد السيء للغرب

    مُساهمة من طرف بو صطيف في 15/9/2009, 5:52 am

    شكرا سارة
    وبالنسبة لموضوع اللغة انا فهمان قصدك كتير منيح بس هي نقطة مالها علاقة بلي قلتيها انا حبيت اطرح هالفكرة منشان زيد النقاش شيئ مفيدلا أكتر ولا أقل فمعناتو سوء الفهم بدر منك مو مني

    وشكرا مرة تانية

    وبظن انو كلنا فاهمين العبارات ومقاصدها والحمدلله ماقد عمرنا عشر سنين لحتى ما نفهم او تغيب عنا معاني الجمل أو فحواها يا انسة سارة
    ومانا عمنبيع فلافل وشاورما بالمنتدى
    وشكرا ولا تواخزونا عالإطالة
    avatar
    شوماكان
    عضـــو موقوف

    عدد الرسائل : 1644
    مكان الإقامة : مصياف
    Personalized field :
    التقييم : 0
    نقاط : 2338
    تاريخ التسجيل : 01/07/2009

    رد: التقليد السيء للغرب

    مُساهمة من طرف شوماكان في 15/9/2009, 10:09 am

    أول شي اسمحولي قول شغلة:

    بالفعل شي بيرفع الراس هالنقاش وبصراحة هادا اول موضوع بصير فيه هالنقاش الجدي


    وياريت الكل يضل هيك متابع وملتزم بكل النقاشات اللي بتصير بهالمنتدى


    تاني شي:


    بالفعل التنظيم واحترام الوقت هنن اساس تقدم الغرب بالإضافة لتخليهن عن كل الصراعات والإنقسامات

    التي كانت تحكمهن.



    من أول القواعد الأساسية اللي قام عليها النظام الأجتماعي بالغرب :



    الوطن للجميع والدين للفرد



    وللأسف نحنا لهلق منلحق العباية واللفة والعمامة



    باعتباروا نحنا شرقيين أكيد رح نشوف الغرب ناقصين دين واخلاق


    بس اسمحولي قول شغلة:


    إذا الدين والأخلاق رح يكونو عائق قدام تطور وتقدم وطني فأكيد



    الوطن أهم



    لأنو إذا مافي طن مافي مكان مكان للمارسة الأخلاق والدين اللي عم نحكي عنهن


    شكرا تاني مرة أبا التراب ع طرحك
    avatar
    Lily Rose
    مصيافي نحاسي
    مصيافي نحاسي

    عدد الرسائل : 264
    مكان الإقامة : Massyaf
    Personalized field :
    التقييم : 5
    نقاط : 360
    تاريخ التسجيل : 02/02/2009

    رد: التقليد السيء للغرب

    مُساهمة من طرف Lily Rose في 15/9/2009, 12:47 pm

    بالنسبة لسؤالك أبو صطيف بشكرك عليه
    والجواب أولا مارح نحكي بالنسبة القليلة من الغرب اللي بتطبق تعاليم الدين المسيحي
    أما النسبة الأخرى اللي ما بيهمها الدين وهنن الأغلبية
    وليش في منهن بيختاروا هيك لباس تحديدا اذا ما كان قصدهن الاثارة
    فالسبب برأيي هوي نوع من العادة مو أكتر
    بيجوز ببداية تحرر الغرب من الدين بلش هالنوع من اللباس
    كردة فعل ونتيجة للتحرر وبقصد اظهار المفاتن
    بعدين تعودوا عليه وصار جزء من عاداتهن
    متل مو الحجاب بدأ عند المتدينين كجزء من الدين
    وبعدين صار بكتير من المناطق الاسلامية بيلبسوه كجزء من تقاليد وعادات وتراث هالمنطقة
    وممكن البعض منهن ما يكونوا مقتنعين فيه بس بيضطروا يلبسوه
    هلق أكيد بالغرب ما في وحدة رح تلبس لباس مانها مقتنعة فيه
    بس لما بيلبسوا الشورت والتنورة القصيرة والقمصان الحفر هيي هيك طبيعة لباسهن
    متل مو الجلباب والكوفية طبيعة لباس المجتمع الخليجي
    بتمنى كون قدرت وصل الفكرة وبعتذر مرة تانية عالاطالة وشكرا الكن جميعا...
    avatar
    بو صطيف
    عضـــو موقوف

    عدد الرسائل : 612
    مكان الإقامة : الإمارات خورفاكان
    Personalized field :
    التقييم : 2
    نقاط : 670
    تاريخ التسجيل : 01/01/2009

    رد: التقليد السيء للغرب

    مُساهمة من طرف بو صطيف في 15/9/2009, 2:27 pm

    اي شوماكان اول شي عراسي مرورك وتاني شي انت ليش هيك كتير حيسك انو مانك صحبة انت والدين أو انت وشي اسمو دين وحيطو دائما بالمراتب الأخيرة بحياتك وبقراراتك طبعا اكيد هي قناعات شخصية ولا تهدي من احببت ان الله يهدي من يشاء
    تانيا : أذا ما لحقنا عقولتك العمامة واللفة وتعاليم دينا الحنيف الي لهلق معظم علماء الغرب العالميين بعتبرو مرجع مهم لعلمهن ونظرياتهن كيف برأيك بدنا نتقدم
    وبالنسبة للتنظيم الي مشهورين في الغرب زائد بعض الحريات الزائفة الي منشوفها عالتلفزيون هادا كلو علاك فاضي يا جماعة ماتغركن وسائل الاعلام ببعض الأفلطونيات الي بتعرضها هادا كلو ضحك على اللحى انا واحد من الناس عاشرت جنسيات غربية متعددة وعرفت شو حقيقة حياتهن من الألف إلى الياء وبالأخير استنتجت انو ما في احلى من ديينا ومن تقاليدنا تحت عرش الله وهنن بيحسدونا على المحبة والتآلف والحب العايشين في والأمن الي نحني عايشينو فماتنغر يا خيي شوماكان


    وثالثاً : هل برأيك انو الدين والأخلاق بيعيقو التطور والتقدم و الخ الخ الخ
    يا صديقي اصلا الدين هوي اساس كل تطور وتقدم وعمل ناجح والقرآن ما بظن بيكذب أو تأليف انسان فبرأيي اذا بتراجع حساباتك شوي يا صديقي وبتقرأ وبتتمعن شوي بكتاب الله عز وجل الله بيهدي سرك وبترتاح نفسيا وانشالله بتلاقي طريق الصواب وهلشوية خزعبلات الي عيملين غشاوة عقلبك بيزولو
    وتحياتي الك وعفوا على الإطالة
    avatar
    sara
    مصيافي 100%
    مصيافي 100%

    عدد الرسائل : 1295
    مكان الإقامة : بلاد الله الواسعة
    Personalized field :
    التقييم : 15
    نقاط : 1067
    تاريخ التسجيل : 24/11/2008

    رد: التقليد السيء للغرب

    مُساهمة من طرف sara في 15/9/2009, 3:27 pm

    انا ما عم قلك يا بو صطيف مع احترامي الك الكامل انو حدا عم يبيع فلافل و ما بعرف شو مجرد توضيح لفكرة انا طرحتها و حسيت انك ما فهمت عليي صح و حاشاك بعرف انك كبير و بتفهم منيح
    ما تواخذنااذا فكرة الاقتباس زعجتك بوعدك ما عاد تتكرر

    اما عن شو ماكان نحنا هون بتوقع مو شغلتنا نتدخل بقناعة و الراي الشخصي لكل واحد فينا كل واحد حر برايو المهم نناقش الفكرة المطروحة

    اختلافنا بالراي لا يفسد للود قضية مشكور بو صطيف و شو ما كان

    بس وين صاحب الطرح ابا التراب مو مبين؟
    avatar
    sara
    مصيافي 100%
    مصيافي 100%

    عدد الرسائل : 1295
    مكان الإقامة : بلاد الله الواسعة
    Personalized field :
    التقييم : 15
    نقاط : 1067
    تاريخ التسجيل : 24/11/2008

    رد: التقليد السيء للغرب

    مُساهمة من طرف sara في 15/9/2009, 11:16 pm

    شو ماكان انا ماني معك بانو الوطن اهم من الدين فكلاهما مهم

    الدين اولا لان في تركه معصية لله

    ثم ان الرسالات السماوية اجمع تحض على الحفاظ على الوطن و رد الاذى عنه فلا تجعل ديننا حجة لتقدم المجتمع او تخلفه

    واصلا لا تجوز هذه المقارنة فالدين لله و الوطن للجميع

    ثم ان الدين في القلب فلا يمنعك وجوده عن دفاعك و حبك لوطنك وسعيك لتقدمه و تطوره و هذه العباءة و الحجاب التي تشغل بال الغرب و ها هي تشغل بالك ليست عائقا للفرد في تطوره و تقدمه ليفيد بلده
    avatar
    ADMIN
    مدير المنتدى
    مدير المنتدى

    عدد الرسائل : 2463
    مكان الإقامة : في هذا العالم ..
    Personalized field :
    التقييم : 24
    نقاط : 3626
    تاريخ التسجيل : 05/10/2008

    رد: التقليد السيء للغرب

    مُساهمة من طرف ADMIN في 16/9/2009, 12:26 am

    يا جماعة الخير .. انا كل اللي بتمناه انو اذا كان هناك في خلاف بالآراء حول الموضوع انو يكون الالتزام بروح الحوار
    الودي الذي يسوده الاحترام المتبادل بين المتحاورين هو الاساس ..

    نقاشنا باي قضية ليس الغاية منه خروج البعض غالب و البعض الآخر مغلوب ..

    لكل منا رأيه و نظرته .. و بالنسبة لي الغرب فيه الايجابي و فيه السلبي بعد تجربتي في الغربة اكتشفت
    انو في كتير امور افتقدها من حياتي في بلدي ..

    لاحظت كمان انو التدين بالنسبة للانسان بالمجتمعات الغربية ليس له علاقة باللباس او بالعلاقات بين الجنسين
    علما انو في كتير امور ناقشت فيها بعض الناس هون و ما وصلت لاجابات مقنعة

    زميلة الي بالشغل دائما تظهر انها متدينه تواظب على الصلاة بالكنيسة و و و و المهم سالتها طيب كيف عايشة مع شاب
    لا تربطك به علاقة زواج و هذا مخالف لوصايا المسيح ... ضحكت و قالت اي شو فيها ..

    ضربتلكون هالمثل .. و قس على ذلك ..

    من فترة ظهرت عدة مقالات بالمواقع السورية و الصحف عن انتشار ظاهرة المساكنه بين الشباب و الفتيات بدون رابط شرعي او رسمي بينهم و اعتبرها الغالبية تقليد للغرب و هو فعلا كذلك ..

    البعض اعتبرها هروبا من تكاليف الزواج الباهظة و اهمها تامين المسكن و التي يصعب على الكثير من الشباب هذه الايام تامينها
    البعض الآخر اعتبرها ظاهرة ايجابية تختصر على الطرفين الكثير من التكاليف و استعدادهما لتقاسم المسؤوليه و العبئ ..

    و البعض الاخر اعتبرها ظاهرة دخيله على مجتمعنا قادمة الينا من الغرب و هي مخالفة للدين و الشرع و القانون و و و ..

    بصراحة .. من خلال أراءكم .. لاحظت انو هناك اجماع بين الاعضاء على ان التقليد الايجابي للغرب هو شي جيد و مفيد لمجتمعاتنا
    لكن من الصعب الانتقاء و حصر التقليد بالامور الايجابية .. و خصوصا مع الانفتاح و التطور الهائل لوسائل الاعلام التي نقلت لمجتمعاتنا و ما تزال صورة العالم الغربي ..


    ـــــــــــــــــــــــ
    يتبع ..


    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ








    مصياف للجميع ............. نريد أن تكون صفحتكم المفضلة على الشبكة الدوليه
    www.masyaf4all.com - www.masyaf4all.info

    avatar
    ابا التراب
    عضـــو موقوف

    عدد الرسائل : 149
    مكان الإقامة : الصين
    Personalized field :
    التقييم : 0
    نقاط : 235
    تاريخ التسجيل : 30/07/2009

    رد: التقليد السيء للغرب

    مُساهمة من طرف ابا التراب في 16/9/2009, 3:22 am

    بعد التحية والسلام لأجمل اعضاء
    ساره نحنو هنا
    اخي العزيز شومكان انا معك بالذي قلته وبالشعارالرائع
    الوطن للجميع والدين للفرد
    اخي ابو صطيف لقد سالت في ردك
    : هل برأيك انو الدين والأخلاق بيعيقو التطور والتقدم و الخ الخ الخ
    اكيد لاء
    ولاكن ياصديق اصحاب العمامة التي تقتدي بهم اغلبهم اصحاب مصالح ويأخذون الدين ستاراً لهم نحنو نفكر بالدين وبالمشاكل التي تنتج من وراء التفسير الخاطىء لدين والسبب هم اصاحبو تلك العمامة لانهم يريدون منا ان نكون على خلاف مع بعضنا وهنا نعود الى المستفيد الأكبر من خلافنا وهو الغرب لأن هذا الخلاف يضعفنا

    اخت ساره كتبت في ردك
    فلا تجعل ديننا حجة لتقدم المجتمع او تخلفه
    يا سيدتي الكريمة ان الدين اكبر عائق لتقدمنالانه يسيطر على عقولنا لأنا الخلاف الطائفي منذ وفات الرسول فأيا تطور بدنا نعملو والطائفية متمركزة في عقولنا واغلب الحروب الان حروب طائفيةورح ازكر مثال صغير ومن اين نشأة فكرة الصراع


    فكرة الصراع الديني والمذهبي فكرة يهودية- صهيونية – فارسية، فالصهاينة طرحوا فكرة حوار الأديان والطوائف، منذ زمن "الحرب الأهلية" في لبنان في أواسط عقد سبعينات القرن الماضي، اعتقادا منهم أن بقاء المسلمين كتلة واحدة، سواء من العرب أو غير العرب، لا يمنح هؤلاء الغلبة في أي حوار مقبل، كما أن بريطانيا التي حكمت العراق حتى عام 1920 وفهمت التركيبة السكانية، أخذت تعزف على وتر الطائفية، وتروج لفكرة "الغبن والإذلال" لدى السكان الشيعة، بدعوى أن أركان الحكم هم من السنة، ومعروف أن أركان الحكم منذ عام 1920 جاءوا بموافقة ورضا بريطانيا، كما عملت الولايات المتحدة التي ورثت زعامة العالم من بريطانيا على إذكاء روح الطائفية فكرياً، وساعدت العديد من المفكرين العرب والأجانب على تأليف كتب اجتماعية تظهر أن التركيبة الاجتماعية في العراق وبلدان أخرى هي تركيبة طائفية، وأبرز المؤلفات التي صدرت تحت هذا التوجه كتاب "حنا بطاطو" الذي ذكر فيه أن الشيعة في العراق يشكلون 60% من سكانه، للإيحاء بأحقيتهم بالسلطة، وعندما جاء الغزو الأمريكي عام 2003، كان أول لقاء بين القادة العسكريين مع العراقيين في الداخل، مع زعامات دينية وعشائرية في جنوب العراق، ثم جاءت تشكيلة "مجلس الحكم" وفق نظام المحاصصة الطائفية ثم وضع دستور تقسيمي طائفي، وإجراء انتخابات على أساس طائفي، وتشكيل حكومة طائفية بامتياز.

    إن الوضع الطائفي الجديد، هو وضع سياسي يلبس غطاء الطائفة، والصراع بين القوى والأحزاب الطائفية، هو صراع سياسي على مراكز النفوذ السياسي والاقتصادي، والجغرافي، وهذا الوضع يسر القوى التي عملت على انتشاره وهي الولايات المتحدة و"اسرائيل" وإيران، ولكل طرف أهدافه

    إن ما يجري في العراق هو صراع انتقام تاريخي وتصفية ثارات قديمة من قوى تضررت من النظام ما قبل الغزو والاحتلال، وصراع مصالح جغرافية ونفطية (الفيدراليات، والنفط، كركوك) ولكن خطورة ما يجري أن الأطراف المشرفة على الصراع، قد عممته ليشمل كل الشعب العراقي، ويذوق مرارته، بالقتل على الهوية والخطف والتعذيب حيث وصل عدد القتلى حوالي ثلاثة أرباع المليون.

    والأخطر من هذا أن الصراع الدائر في العراق على أساس طائفي، بدأ ينتقل إلى دول الجوار، وبدأ رجال الدين، وعامة الناس، يتحدثون عن "السنة والشيعة"، وتفنيد أقوال أهل الشيعة، وكأنهم ليسوا عرباً أو مسلمين لأن الصراع في العراق يقوده طرف سياسي إيراني، بلباس طائفي، والخوف أن ينتشر هذا الصراع من العراق ليشمل المسلمين في كل أنحاء "الإقليم" والعالم ويمتد من الصين إلى المحيط الأطلسي وينتقل إلى بلدان أوروبا والولايات المتحدة، والخوف والأكثر خطورة أن يطغى هذا الصراع على الصراع المركزي وهو الصراع العربي- "الاسرائيلي"،
    وانا برأي المتواضع انو الحل الأمثل هو الابتعاد عن التكتلات الدينيا وكل مين عدينو الله يعينو
    كما اودو ان اذكر ان اوربا عاشت مزابح طائفة ضخمة ولم تستطع التخلص من هذه الخلافات الطائفية الا بعد اعتناقها الفكر العلماني
    وفي الختام ان اكثر شيء ممكن الاستفادة من الغرب هو الاخذ بتجربته في الصراعات الطائفية والحل الوحيد الذي ساعده في التطور الكبير الذي نراه هو العلمانية

    وشكراً لكم جميعاً عالحوار الرائع
    ولكم مني خالص ودي واحترامي
    avatar
    God Hyena
    عضـــو موقوف

    عدد الرسائل : 964
    مكان الإقامة : In The Other Hell
    Personalized field :
    التقييم : 3
    نقاط : 1203
    تاريخ التسجيل : 07/04/2009

    رد: التقليد السيء للغرب

    مُساهمة من طرف God Hyena في 16/9/2009, 9:37 am

    مرحبا شباب وتحياتي الكن للمناقشة في هذا الموضوع الحلو والمهم ....

    أول شغلي بحب اذكرها أنو بلش الموضوع يخرج عن محتواه وعن مضمونه الفعلي وصار ساحة لإبداء القناعات الشخصية

    إن كانت دينية أو لا دينية..... نحنا بدنا نوصل لحل منطقي ومناقشة سليمة ما بدنا نسوق لفكرة معينة

    يمتلكها بعضنا...

    أنا سبق وعطيت رأيي بها الموضوع ورح أرجع احكيه بكلمتين مختصرات ...

    التقليد للغرب موضوع بيكون حلو كتير وممتاز اذا كان للشغلات الكويسي اللي بتفيد في تطور مجتمعاتنا ولكن

    ليس التقليد الأعمى للشغلات اللي بتنفي عاداتنا وتقاليدنا وبتهمشنا..

    وبكلمة تانية خلونا نتأثر بالشغلات المفيدة عند الغرب مثل روح الاختراع والعلم والتطور ولا ننسى عزتنا وأخلاقنا

    العربية الأصيلة ونحاول ندمج بيناتهن... لأنو أكيد هيك رح يكون تمازج الأمور (الايجابية طبعا ) بين كلا

    الثقافتين يؤدي الى بناء مجتمع متطور وبعيد عن الرجعية والتخلف....

    أما عن الدين فهو شيء داخلي وقناعة شخصية بتوقع أنو تدعي للتطور الايجابي ومحاكاة الثقافات والاستفادة من

    إيجابياتها....

    فمن يمتلكه بشكله السليم كان يدعو الى التطور والحداثة والانفتاح ولايمكن أن يكون الدين عائقا الا لمن يؤمنون به

    بشكله وهم كثيرون ... وهم سبب تشويه صورته وعدم التمسك به لأنه كما هو حاليا ليس بدين وليس له علاقة بأي

    شيء سليم ومنطقي .....

    وبنفس الوقت اللذي لايمتلك دينا معينا أو خليني قول غير مقتنع بدين معين مارح يكون عائق في وجه تحقيق

    التطور متل ما بتصور ....

    فالدين اذا ليس له علاقة بتطور المجتمعات الحالية طبعا ..

    يعني وبالمشرمحي مو لازم كون ملحد لكون متطور وبنفس الوقت مو كل صاحب دين متخلف ....

    فلم لا نستخلص الشيء الجميل من هنا وهناك وننطلق به الى مجتمع متطور مثقف ؟؟؟ ...

    بتمنى تكون وصلت الفكرة ..

    وشكر للكل على تفهمهم للحوار والله يعطيكو العافية جميعا ...
    avatar
    بو صطيف
    عضـــو موقوف

    عدد الرسائل : 612
    مكان الإقامة : الإمارات خورفاكان
    Personalized field :
    التقييم : 2
    نقاط : 670
    تاريخ التسجيل : 01/01/2009

    رد: التقليد السيء للغرب

    مُساهمة من طرف بو صطيف في 16/9/2009, 1:44 pm

    مع احترامي الك يا ابا التراب كلامك في شيئ من اللامبالاة بالدين واو رجال الدين وهادا شي خطير جدا وشو برأيك معنى كلمة دين انت يلي عمتقول انها اكبر عائق عن جد حكيك بيفلق يا زلمي قرد شبكو الشاطر عم يستوطى حيط الدين وبتسمولي يا نقاش أو آراء شخصية ويا صديق عقولتك اذا الدين مش مهم عندك لهلدرجة ليش مسمى حالك (( ابا التراب ))خيو لأ بلى سمي حالك اسم شي عالم غربي أو مفكر أو اي شي تاني رجاءً احترمو دينكم شوي وماحد يقلي هي قناعات شخصية الدين شيئ مانو قابل للمساومة بالنسبة الي وعن جد ماقد عم افهم عحدي شوي بتحكيلي عن الطائفية وشوي عن العراق وشوي عن السنة والشيعة وكل الموضوع كان عن التقليد السيئ للغرب فرجاءً خلو موضوع الدين عجنب ومحد يغلط بحق الدين لأنو هادا أمانة عنا كلنا ودينا كلنا بالمنتدى هادا إذا ماكان في شي حدي ملحد وانا حاسس من بداية النقاش انو ماحد عاجبو حكيي وماحد ايدني ولو عالقليل بكلمة صغيرة انو اي ولله الدين ما بيصير نغلط في أو نقلل من شأنو ،
    ويعطيك العافة يا سماعيل عهالطرح الكتيييييييييييير تقيل ..........

      الوقت/التاريخ الآن هو 16/8/2017, 3:13 pm